राष्ट्रिय आर्थिक गणना २०७५ को नतिजा सार्वजनिक ।
भवानी अधिकारी/स्याङजा :
तथ्यांक कार्यालय स्याङजाले राष्ट्रिय आर्थिक गणना २०७५ को नतिजा आइतवार सार्वजनिक गरेको छ ।
जिल्ला प्रशासन कार्यालयमा आयोजित कार्यक्रममा तथ्यांक अधिकृत शारदा शर्माले आर्थिक गणनाका उदेश्य सहित नेपाल, प्रदेश र जिल्ला स्तरीय आर्थिक तथ्यांक प्रस्तुतीकरण गर्नुृभएको थियो ।
तथ्यांक अनुसार स्याङजामा ७ हजार ४ सय १० प्रतिष्ठान रहेका छन । ती मध्ये ४ हजार २ सय ५३ प्रतिष्ठानहरु द्यर्ता भएका छन भने ३ हजार १ सय ५७ वटा प्रतिष्ठान दर्ता नभई संचालनमा रहेको उल्लेख छ । ती प्रतिष्ठानमा २० हजार ९ सय ४६ जना कार्यरत छन । ती मध्ये ११ हजार १९ पुरुष र ९ हजार ९ सय २७ महिला कार्यरत छन ।
यसैगरी, पुरुष ब्यवस्थापकले संचालन गरेको ४ हजार ६ सय ८६ वटा प्रतिस्ठान र महिला ब्यवस्थापकले संचालन गरेका २ हजार ७ सय २४ प्रतिष्ठान रहेको बताइएको छ । जिल्लामै सबैभन्दा बढी वालिङ नगरपालिकामा १ हजार ४ सय ३७ र सबैभन्दा कम फेदिखोला गाउपालिकामा २ सय ३८ प्रतिष्ठान स्थापना भएका छन । प्रति प्रतिष्ठान संलग्न औसत जनशक्ति संख्या २ दशमलब ८ रहेको आर्थिक गणकहरुद्धारा सूचिकृत तथ्यांकमा छ ।
बैशाख १ देखि जेठ मसान्तसम्म ४२ जना गणकद्धारा जिल्लाका ११ वटै स्थानीय तहमा पुगेर तथ्यांक संकलन गरिएको कार्यालयले जनाएको छ । अनलाईन र कागजीरुपमा भर्न सकिनेगरी २ प्रकारका लगत बनाइएको थियो । बिभिन्न १८ वटा बिषयगत सूचीहरु समावेश गरिएको थियो ।
सार्वजनिक कार्यक्रममा बोल्दै जिल्ला समन्वय समितिका उपप्रमुख दिलिपकुमार बगालेले नीति नियम, प्रशासनिक कार्य, ब्यवासायिक तथा अध्ययन क्षेत्रको महत्वपूर्ण आधारका रुपमा रहेको आर्थिक तथ्यांकले जिल्लाको समग्र विकास र समृद्धीलाई सहयोग पुग्ने बताउनुभयो । प्रमुख जिल्ला अधिकारी रामबहादुर कुरुम्वाङको अध्यक्षतामा सम्पन्न कार्यक्रममा तथ्यांक अधिकृत राजेन्द्र पराजुलीले स्वागत एवं तथ्यांक निरीक्षक सुरेन्द्र पौडेलले संचालन गर्नुभएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


