स्याङ्जा विग आईडलको सुपर मेगा अडिसन वालिङमा सम्पन्न ।
नारायण विश्वकर्मा / स्याङ्जा :
स्याङ्जा विग आईडलको सुपर मेगा अडिसन स्याङ्जाको वालिङ् बजारमा सम्पन्न भएको छ । “स्याङ्जाको सान स्याङ्जाको पहिचान, नवप्रतिभाको लागि विशिष्ट स्थान” भन्ने मुल नारा सहित ए.वि.सि.डी युथ क्लब वालिङ्ले स्याङ्जा विग आईडल आयोजना गरेको हो ।
स्याङ्जाका विभिन्न कुनाकाप्चामा पुगेर लिईएको अडिसनमा छनोट भएका १ सय ११ जना वालिङ बजारमा भएको सुपर मेगा अडिसनमा भाग लिएका थिए । आईडलको निर्णायक मण्डल प्रतिनिधि मञ्जली वस्यालले सुपर मेगा अडिसनबाट अर्को राउण्डका लागि ७० जना छनोट भएको बताउनुभयो । उहाँले अवको राउण्ड पृथक हुने बताउनुभयो ।

स्याङ्जा विग आईडलका गायन र नृत्य तर्फका विजेताले ५०/५० हजार रुपैयाँ पुरस्कार पाउने संस्थाका उपाध्यक्ष अविद अलिले बताउनुभयो । उहाँले दुवै तर्फका उपविजेताले २५/२५ हजार र साहायक उपविजेताले १०/१० हजार रुपैयाँ सहित सिल्ड मेडल र प्रमाण पत्र पुरस्कार बताउने बताउनुभयो । अलिका अनुसार गायनमा उत्कृष्ट हुनेलाई कभर गीत गाउने र नृत्यमा उत्कृष्ट हुनेलाई म्युजिक भिडियोमा अभिनय गर्ने अवसर दिईने छ ।
कार्यक्रममा भिरकोट नगरपालिकाका प्रमुख छायाराम खनालले स्याङ्जा विग आईडलले लुकेका प्रतिभा उजागर गर्ने नमुना काम गरेको बताउनुभयो । उहाँले ए.वि.सि.डी युथ क्लबलाई कार्यक्रम सफलताको शुभकामना दिँदै जस्तोसुकै सहयोग गर्न आवस्यक परे पनि आफु तैयार रहेको बताउनुभो ।

त्यस्तै वालिङ् नगरपालिकाका प्रमुख प्रसासकिय अधिकृत गुरुदत्त सुवेदीले आजको प्रतिभा भोलिको नेपाल स्टार बन्न सक्ने भन्दै प्रतियोगिताका सहभागीलाई मेहनत गरेर आफ्नो प्रतिभा राख्न सुझाव दिनुभयो । उहाँले स्याङ्जाले कलाकारको वाढि नै ल्याएको भन्दै स्याङ्जाको पहिचानलाई थप विस्तार र विकास गर्न ए.वि.सि.डी युथ क्लबले महत्वपुर्ण भुमिका निर्वाह गर्नुपर्नेमा जोड दिनुभयो ।
कार्यक्रममा नेपाली कांग्रेस स्याङ्जा क्षेत्र नम्बर दुइका क्षेत्रिय सचिव दामोदर लम्सालले अर्को राउण्डका लागि छनोट भएका प्रतियोगिलाई उच्च प्रगतिको शुभकामना दिनुभयो ।
स्याङ्जा विग आईडल खुल्ला गायन तथा नृत्य प्रतियोगिताको सुपर मेगा अडिसनमा नयाँ पत्रिका राष्ट्रिय दैनिक स्याङ्जाका जिल्ला संवाददाता तथा गल्याङ् एफ.एम ९२.२ मेगाहर्जका वजार प्रमुख तथा समाचार वाचक नारायण विश्वकर्माले उद्घोषण गर्नुभएको थियो । विश्वकर्माले यस अघि पर्वत स्टार २०७५ सहित सयौँ कार्यक्रममा कुशलतापुर्वक उद्घोषणको जिम्मेवार पुरा गरिसक्नु भएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


