अपडेट : स्याङ्जाको हरिनासका युवाको हत्यामा सम्लग्न ५ जना पक्राउ ।

राधाकृष्ण डुम्रे/स्याङ्जा :
स्याङजाको हरिनास गाउँपालिकामा–५ वलिकोटका २९ बर्षिय महेन्द्रबहादुर आलेको हत्यामा सम्लग्न भएको भन्दै ५ जनालाई प्रहरीले पक्राउ गरेको छ ।
गएराती एक आपसमा झगडा पछि भएको कुटपिटबाट आलेको घटनास्थलमै ज्यान गएको जिल्ला प्रहरी कार्यालय स्याङ्जाका प्रबक्ता प्रहरी नायब उपरिक्षक नबिनकृष्ण भण्डारीले जानकारी दिनुभयो ।
घटना लगत्तै जिल्ला प्रहरी कार्यालय स्याङ्जा, ईलाका प्रहरी कार्यालय चिसापानी, ईलाका प्रहरी कार्यालय रत्नपुरको प्रहरी टोलीले घटनामा संलग्न ५ जनालाई पक्राउ गरेको प्रबक्ता भण्डारीले बताउनु भयो ।
प्रहरीले हरिनास ६ का २३ बर्षीय नरेश मानन्धर, ३० बर्षीय मातृका मानन्धर, बर्ष १९ का बिमल मानन्धर, बर्ष २८ का अमृत मानन्धर र बर्ष १९ को धरम मानन्धरलाई जिल्लाका विभिन्न भागबाट नियन्त्रणमा लिएको हो ।
घटनाबारे थप अनुसन्धान भईरहेको प्रहरीले जनाएको छ ।

Facebook Comments Box