वालिङका औषधी पसलको अनुगमन ।

आँधीखोला खबर/स्याङ्जा :
वालिङ नगरपालिकाले शनिबार अषौधी पसलहरुको अनुगमन गरेको छ । अनुगमनका क्रममा फार्मेसी एउटाको नाममा दर्ता रहेको तर औषधी बेच्ने व्यक्ती वा सञ्चालक अर्कैको रहेको पाईएको छ । अनुगमनका क्रममा एक्सरे गर्ने क्लिनिकहरु मापदण्ड विपरित सञ्चालनमा रहेको भेटिएको वालिङ नगरपालिकाका प्रमुख प्रशासकीय अधिकृत गुरुदत्त सुवेदीले जानकारी दिनुभयो ।
अहिलेलाई औषधी पसल सञ्चालकलाई सचेत गराईएको छ भने पटक पटक यस्तो भेटिएमा कानुनी दायरामा ल्याईने प्रमुख प्रशासकीय अधिकृत सुवेदीले जानकारी दिनुभयो ।
आउँदै गरेको दशैतिहारलाई मध्यनजर गर्दै वालिङ बजार अनुगमन शुरु गरेको हो । वालिङ नगरपालिका उपप्रमुख एवं अनुगमन समिति संयोजक कल्पना तिवारी, वालिङ नगरपालिका, ईलाका प्रशासन कार्यालय, वालिङ उद्योग वाणिज्य संघ, राष्ट्रिय उपभोक्ता मञ्च, प्रहरी र पत्रकार सहितको टोलीले बजार अनुगमन गरेको हो । अनुगमनको पहिलो दिन शुक्रबार वालिङका किराना पसलहरु अनुगमन गरिएको छ ।

Facebook Comments Box