त्रिचन्द्रका स्ववियु सभापति गोविन्द कोइराला महाधिवेशन प्रतिनिधिमा भिड्दै
नेपाली कांग्रेसको १५ औँ महाधिवेशन नजिकिँदै गर्दा पार्टी राजनीतिमा युवा र शैक्षिक मुद्दाले नयाँ तरङ्ग ल्याएको छ। ऐतिहासिक त्रिचन्द्र बहुमुखी क्याम्पसका स्ववियु सभापति एवम् स्याङ्जाली युवा नेता गोविन्द कोइरालाले स्याङ्जा क्षेत्र नम्बर २ बाट खुलातर्फ महाधिवेशन प्रतिनिधिको रूपमा आफ्नो सशक्त उम्मेदवारी घोषणा गरेका छन्। स्याङ्जा भीरकोट–६ मा जन्मिएर कालिका माविबाट विद्यालय शिक्षा पूरा गरेका कोइराला त्रिचन्द्र क्याम्पसको इतिहासमै स्याङ्जाबाट स्ववियु सभापति बन्ने पहिलो व्यक्ति हुन्।
नेपाल विद्यार्थी संघ (नेविसंघ) बाट स्ववियु सभापति जितेका कोइराला हाल अर्थशास्त्रमा स्नातकोत्तर गर्दै छन्। क्याम्पस राजनीतिमा मात्र सीमित नरही उनले ‘किताबमाथिको कर हटाऊ’, ‘शिक्षा ऐन परिमार्जन’, ‘#SaveTrichandra’, ‘#SavePublicLibraries’ र ‘#SaveTheConstitution’ जस्ता जनसरोकारका राष्ट्रिय अभियानको कुशल नेतृत्व गरिसकेका छन्।
कांग्रेस महामन्त्री गगन थापा निकट मानिने उनी खुलातर्फका सबैभन्दा कान्छा उम्मेदवार हुन्। परम्परागत राजनीतिभन्दा माथि उठेर शिक्षा, रोजगारी र सिर्जनशीलतालाई कांग्रेसको प्रमुख नीति बनाउने अठोटका साथ चुनावी मैदानमा ओर्लिएका कोइरालाको उम्मेदवारीले युवा तथा बौद्धिक वृत्तमा ठूलो उत्साह र आशा जगाएको छ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


