टी–२० क्रिकेट विश्वकप छनोटमा नेपाललाई झड्का, कतारसंग ४ विकेटले पराजित
काठमाडौं । सिंगापुरमा जारी टी–२० क्रिकेट विश्वकप छनोट अन्तर्गतको एसिया फाइनलको पहिलो खेलमा नेपाल पराजित भएको छ । नेपाल कतारसंग ४ विकेटले पराजित भएको हो ।
जितका लागि नेपालले दिएको १२३ रनको सामान्य लक्ष्य कतारले १९.२ ओभरमा ६ विकेटको नोक्सानीमा पूरा गरेको हो ।
इमाम उल हकले ४१ रन बनाए । नेपालका लागि सन्दीप लामिछानेले ३३ रन खर्चेर ३ विकेट लिए । करण केसीले १ विकेट लिए ।
दुई खेलाडी रनआउट भए । यो खेलमा कप्तान पारस खड्काले भने बलिङ गरेनन् ।
नेपालको ब्याटिङ
नेपालले टस जितेर पहिले ब्याटिङ गर्यो । नेपालले निर्धारित २० ओभरमा अलआउट हुँदै १२२ रन मात्र बनाउन सक्यो ।
पहिलो विकेटका लागि कप्तान पारस खड्का र उपकप्तान ज्ञानेन्द्र मल्लबीच पहिलो विकेटका लागि ४९ रनको साझेदारी भएको थियो ।
६ ओभरमा नेपालले १ विकेटको नोक्सानीमा ४९ रन बनाएको हो । पारसले १७ बलमा १ छक्का र ४ चौकाको मद्धतले २८ रन बनाए ।
त्यस लगत्तै ज्ञानेन्द्र पनि आउट भए । ज्ञानेन्द्रले २४ बलमा २३ रन बनाए । दिपेन्द्र सिंह ऐरीले ३५ बलमा ३४ रन बनाए । उनले १ छक्का र १ चौका हानेका थिए ।
सोमपाल कामीले ११, सन्दीप लामिछानेले ९ तथा सरद भेषवाकरले ७ रन बनाए । इक्वाल हुसेनले ३ विकेट लिए ।
यस्तो थियो नेपाल–कतार अवस्था
जारी छनोटमा नेपाल शीर्ष वरियताप्राप्त राष्ट्र हो । नेपाल आईसीसीको टी–२० वरियताको ११ औं स्थानमा रहेको छ । कतार भने २१ औं स्थानमा छ ।
आईसीसी वरियता हेर्दा नेपालले कतारलाई सहजै हराउने देखिएको थियो । सोमबार भएको पहिलो खेलमा कतार सिंगापुरसँग पराजित भएको थियो ।
नेपाल र कतारबीच यसअघिसम्म ६ पटक प्रतिस्पर्धा भएकामा ४ एक दिवसीयमा ३ पटक नेपालले जितेको छ भने कतारले १ खेल जितेको छ ।
त्यस्तै टी–२० मा नेपालले १ र कतारले १ खेल जितेको छ । मंगलबारको खेलपछि समीकरण बदलिएको छ । ( हाम्राकु्रा डटकम)
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


