६ महिनामा १२८ फरार प्रतिवादी पक्राउ, दुई करोड २४ लाख जरिवाना असुल
राधाकृष्ण डुम्रे/स्याङ्जा :
स्याङ्जा प्रहरीले ६ महिनाको अवधीमा १२८ जना फरार प्रतिबादीलाई पक्राउ गरेको छ । तिनीहरुबाट दुई करोड २४ लाख तीन हजार ८९२ रुपियाँ जरिवाना असुल भएको प्रहरीले जनाएको छ । पक्राउ परेकाहरुले एक सय १० वर्ष नौ महिना नौ दिनको कैद सजाए भोग्नुपर्ने जिल्ला प्रहरी कार्यालय स्याङ्जाका प्रमुख तथा प्रहरी उपरीक्षक दधिराम न्यौपानेले जानकारी दिनुभयो । पक्राउ पर्नेमा ९६ पुरुष र ३२ जना महिला रहेका छन् ।
विभिन्न मुद्दा लागेका र अदालतबाट मुद्दा फैसला भइ फरार सूचीमा रहेकाहरुलाई प्रहरीले नियत्रन्णमा लिँदै आएको प्रमुख न्यौपानेको भनाइ छ । उहाँले भन्नुभयो,“अदालतबाट चार सय ८५ जना फरार प्रतिवादीका नाम प्राप्त भएको छ, अहिलेसम्म हामीले २६ प्रतिशतमा सफलता पाएका छौं ।”
प्रहरीले पत्रकार सम्मेलन गरेर आफ्नो ६ महिनाको प्रगती सार्वजनिक गरेको हो । २०८२ जेठदेखि कात्तिकसम्म मुद्दा दर्ता र यसको फर्स्यौटको कामलाइ समेत तीव्रता दिएको प्रहरीले जनाएको छ । यो अवधीमा एक सय ३३ वटा मुद्दा दर्ता भएको र ती मध्ये ५५ वटा फर्स्यौट भएको न्यौपानेले बताउनुभयो । उहाँका अनुसार ७८ वटा मुद्दा कार्यान्वयनका चरणमा रहेका छन् । चालु आर्थिक वर्ष २०८२/८३ को चार महिनामा ७१ मुद्दा दर्ता भएका छन् ।
प्रहरीले झण्डै आधा शताब्दी अगाडिका प्रतिवादीलाइ समेत पक्राउ गरेको छ । २०३५ सालमा तत्कालीन गल्याङ नगरपालिका (साविकको पेलाकोट गाविस) का सुन र रेडियो चोरी मुद्दाका फरार प्रतिवादी लालबहादुर राना मगर र गिरीप्रसाद गुरुङलाई पक्राउ गरेको छ । उनीहरु ४७ वर्षपछि पक्राउ परेका हुन् । तत्कालिन समयमा चार हजार पाँच सय रुपियाँ जरिवाना र डेढ महिना कैद तोकिएको प्रहरीको भनाइ छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


