समाजसेवी पण्डित नारायण डुम्रे सम्मानित ।
स्याङजा :
स्वदेश तथा विदेशमा रहेर समाजसेवामा सक्रिय रहँदै आउनु भएका पण्डित नारायण डुम्रेलाई सम्मान गरिएको छ । स्याङ्जाको वालिङ नगरपालिका–१३ पाठखोला स्थित शिव पार्वती त्रिवेणीधाममा सञ्चालित ज्ञान महायज्ञको आय व्यय सार्वजनिक गर्ने क्रममा डुम्रेलाई सम्मानित गरिएको हो ।
धार्मीक तथा सामाजिक क्षेत्रमा क्रियाशिल डुम्रे विभन्नि देशहरुमा पुगेर धार्मिक तथा सामाजिक कार्य गर्दै आउनु भएको छ ।
वालिङ नगरपालिका वडा नं १४ स्थायी घर भई वालिङ नगरपालिका वडढा नं.९ भुम्रे बस्दै आउनु भएका डुम्रेलाई महायज्ञ आयोजक समितिका अध्यक्ष दिपेन्द्र गैह्रेले डुम्रेलाई दोसल्ला आढाएर सम्मान गर्नु भएको हो ।
सम्मान पछि डुम्रेले शिव पार्वती त्रिवेणीधामको बृहत योजना निर्माणका लागि विदेशबाट सहकार्य गर्ने प्रतिबद्धता जनाउनु भयो ।
कार्यक्रममा महायज्ञका कथा वाचक तथा व्यास प्रकाश तिवारीलाई पनि सम्मान गरिएको थियो ।

यसैबीच गत साउन १ देखि ३१ गतेसम्म सञ्चालित शिव पुराण कथा तथा तण्डुलाचल ज्ञान महायज्ञको आय व्यय सार्वजनिक गरिएको हो ।
महायज्ञबाट सम्पूर्ण खर्च कटाएर कूल १३ लाख ४० हजार ३ सय ९० बचत भएको महायज्ञ मूल आयोजक समितिका संयोजक दिपेन्द्र गैह्रेले जानकारी गराउनुभयो । महायज्ञमा कूल ३२ लाख ७२ हजार १ सय २८ आम्दानी भएको थियो । दान सहयोग, दान पेटिका, आरती, विभिन्न झाँकी, तण्डुलाचलमा जम्मा भएको चामल विक्रिलगायतबाट उक्त आम्दानी भएको हो । यसमध्येबाट महायज्ञ प्रचार प्रसार, महायज्ञ व्यवस्थापन, दान दक्षिणा, पूजा सामग्रीलगायतमा गरी रु. १९ लाख ३१ हजार ७ सय ३८ खर्च हुँदा कूल रु. १३ लाख ४० हजार ३ सय ९० बचत हुन आएको हो ।
कार्यक्रमा वडा अध्यक्ष नमलाल डुम्रे, मन्दिर व्यवस्थापन समितिका सचिव यज्ञ प्रसाद पाठक लगायतले बोल्नु भएको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


