पत्रकार महासंघ,स्याङ्जाका सचिव काफ्लेलाई प्रेस काउन्सिल महिला सशक्तिकरण पुरस्कार ।

काठमाडौं :

नेपाल पत्रकार महासंघ,स्याङ्जा शाखा सचीव प्रतिक्षा काफ्लेलाई प्रेस काउन्सिल महिला सशक्तिकरण पुरस्कार प्रदान गरिएको छ ।

प्रेस काउन्सिल नेपालको ५५औँ वार्षिक उत्सवका अवसरमा राष्ट्रपति भवन शीतल निवासमा आयोजित भव्य कार्यक्रमकाबिच काफ्लेलाई नगद तथा सम्मान पत्रले सम्मान गरिएको हो । स्याङ्जाको वालिङ-१, निवासी काफ्ले डेढ दशकदेखि पत्रकारिता पेसामा क्रियाशील हुनुहुन्छ । आँधीखोला एक्सप्रेसमा २०६७ सालदेखि पत्रकारिता सुरु गर्नुभएकी काफ्लेसँग अनलाइन खबर, रातोपाटी, एबिसी टेलिभिजन, काठमाडौँ पोस्ट, बुटवल दैनिक लगायतका सञ्चार माध्यममा काम गरेको अनुभव छ । काफ्ले एक दशक देखि भने कान्तिपुर पत्रिकामा सक्रिय हुनुहुन्छ ।

Facebook Comments Box