स्याङ्जामा बसको ठक्करबाट पैदलयात्रीको ज्यान गयो ।

स्याङजा,१ माघ ।
स्याङ्जाको कालीगण्डकीमा बसको ठक्करबाट पैदलयात्रीको ज्यान गएको छ । कालीगण्डकी–७ आँधीमुहान ड्याम स्थित भित्री सडक खण्डमा जयपतेबाट रिडीका लागि छुटेकोे ग. १ ख. ४१५० नम्वरको बसले आज विहान स्थानीय ३० बर्षका अजित बोटेलाई ठक्कर दिएको हो ।
बसको ठक्करबाट बोटेको घटनास्थलमा नै मृत्यु भएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक ईन्द्र बहादुर रानाले जानकारी दिनुभयो ।
बस र बस चालक नियन्त्रणमा लिइएको प्रहरीको भनाई छ ।
लोपोन्मुख बोटे समुदायको परम्परा अनुसार माघे सङ्क्रान्तिको दिन पितृहरूको नाम मुठी चढाउने परम्परा अनुसार बिहान बुबाको नाममा मुठी चढाउन कालीगण्डकीको तिरमा हिडेका बोटेलाई बसले ठक्कर दिएका परिवारले जनाएको छ ।

Facebook Comments Box