कृषि र पशुपालनमा व्यवसायिक रुपले अगाडि बढ्न आवश्यक छ : नगर प्रमुख भट्टराई

गल्याङ :
गल्याङ नगरपालिका नगर प्रमुख गुरु प्रसाद भट्टराईले कृषि र पशुपालनका व्यवसायिक हुनु पर्ने बताउनु भयो । कृषि पेशाबाट आत्मनिर्भर बनाउने अभियानमा गल्याङ नगरपालिका लागि परेको प्रमुख भट्टराईको भनाई छ ।
बुधबार स्याङ्जाको गल्याङ नगरपालिकामा भेटेरिनरी अस्पताल तथा पशु सेवा विज्ञ केन्द्र स्याङ्जाको आयोजनामा आयोजित गल्याङ नगरपालिकामा पशुमा पूर्ण खोप शुभारम्भ कार्यक्रम समारोहलाई सम्बोधन गर्दै सो कुरा बताउनु भएको हो ।
नगर प्रमुख भट्टराईले भन्नुभयो नगरभित्र ६७ प्रतिसत कृषकहरुको बसोबास रहेको र कृषकसंग भएका समस्याको समाधान गर्ने र कृषक संग कृषि प्राविधिक सहितको टोलि लिएर नगर भित्रका ६१ स्थानमा पुगेर ४ हजार १ सय ८७ जना कृषकहरुलाई सेवा सुविधा दिएको कुरा बताउनु भयो ।
नगर प्रमुख भट्टराईले भन्नु भयो हाम्रो जीवन यापनका लागि मुख्य आधार भनेको कृषि र पशुपालन भएकाले गल्याङ नगरबासीको गाउँघरमा पुगेर सेवा प्रवाह गरेको र टाठाबाठाका लागि भन्दा पनि पहुँचको अभावमा रहेका कृषकहरुका लागि यस्तो कार्यक्रम सञ्चालन गरेको कुरा बताउनु भयो ।
उहाँले भन्नु भयो समृद्विको आधार भनेको कृषि र पशुपालन भएकाले सिमित साधन स्रोतको प्रयोग गरेर अगाडि वढ्ने पक्षमा नगरपालिका रहेको कुरा बताउदै घरपालुवा पशुहरुमा एक महिना सम्म पोख सञ्चालन हुने भएकाले सबैले सेवा लिनु पर्नेमा जोड दिनु भयो ।


उहाँले भन्नु भयो भेटेरिनरी अस्पताल तथा पशु सेवा विज्ञ केन्द्रले यो सेवा गल्याङबाट सुभारम्भ गरिदिनु भएकोमा धन्यवाद दिदै कार्यक्रमको प्रभावकारीताको लागि सबै जुट्नु पर्ने कुरामा जोड दिनु भयो ।
कार्यक्रममा उपप्रमुख हेमा न्यौपानेले पशु र कृषिका माध्यमबाट आम्दानी लिन सकिने भएकाले ध्यान दिएर अगाडि बढ्न आग्रह गर्नु भयो ।
कार्यक्रममा भेटेरिनरी अस्पताल तथा पशु सेवा विज्ञ केन्द्रका प्रमुख डाक्टर रुपेश श्रेष्ठले भन्नु भयो । कृषि र पशुपालनका क्षेत्रमा गल्याङ नगरपालिकाले नमुना कार्य गरेको र कृषकका हितमा काम गरेका कारण पनि आफूहरुले यो अभियानको थालनी गल्याङ नगरबाट गरेको कुरा बताउनु भयो ।
गल्याङ नगरपालिकाले दुध उत्पादनमा अनुदानको कार्यक्रमलाई निरन्तता दिएको अन्य पालिकामा खोप सञ्चालन गर्न केही समय लाग्ने भए पनि यहाँका कृषकहरुले छिटोछरितो सेवा पाउनु राम्रो पक्ष भएको कुरा बताउनु भयो ।
कार्यक्रममा भेटेरिनरी अस्पताल तथा पशु सेवा विज्ञ केन्द्रका अधिकृत छैटौं पुरुषोतम् कोईराला र गल्याङ नगरपालिका पशु शाखा प्रमुख सुशिल अर्यालले पशुमा यतिबेला विभिन्न किसिमको रोग फैलिएकाले त्यसको रोकथामका लागि खोप लागाउनु पर्ने कुरा बताउनु भयो ।

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP