प्रजातान्त्रिक विचार समाजको आयोजनामा विपी विचार गोष्ठी
वालिङ :
नेपालका प्रथम निर्वाचित प्रधानमन्त्री तथा नेपाली कांग्रेसका संस्थापक विश्वेश्वरप्रसाद कोईरालाको ११० औँ जन्म जयन्तीको अवसरमा वालिङमा विपी विचार गोष्ठी गरिएको छ ।
प्रजातान्त्रिक विचार समाज जिल्ला कार्यसमिति स्याङ्जाको आयोजनामा विपीको शालिक अगाडि विचार गोष्ठी गरिएको हो । कार्यक्रममा गण्डकी प्रदेश सभा सदस्य भोजराज अर्यालले समाजवाद हराउँदै जाँदा पार्टीमा गुटको प्रथा भएको भन्दै गुटभन्दा विचारको उत्पादन आवश्यक रहेको बताउनुभयो । विपीको सिद्धान्तलाई आत्मसाथ गर्न सकियो भने मात्रै नेपाली कांग्रेस सशक्त हुने भएकाले विपीले प्रतिपादन गरेका नीति तथा सिद्धान्तलाई अंगाल्नुपर्ने बताउनुभयो । नेपाली कांगे्रस लोकतान्त्रिक पार्टी भएको भन्दै लोकतन्त्रको रक्षार्थ पार्टी एकजुट भएर जनताको सेवामा लाग्नुपर्नेमा अर्यालले जोड दिनुभयो ।

यस्तै प्रजातान्त्रिक विचार समाजका केन्द्रिय उपाध्यक्ष जीवलाल काफ्लेले विपीको विचारलाई सवैले अनुशरण गर्नु पर्नेमा जोढड दिनुभयो ।
कार्यक्रममा नेपाली कांग्रेस जिल्ला कार्यवहाक सभापति केदार काफ्ले, जिल्ला कार्यसमितिका पूर्व कार्यवहाक सभापति मुक्तिप्रसाद सुवेदी, नेपाली कांग्रेस गण्डकी प्रदेश सदस्य धुर्वप्रसाद शर्मा पंगेनी, कांग्रेस स्याङ्जा क्षेत्र नं. २ का क्षेत्रीय सभापति दिलीपप्रताप खाँंण, नेपाल शिक्षक संघका केन्द्रीय उपाध्यक्ष लक्ष्मीप्रसाद रेग्मी, कांग्रेस स्याङ्जाका सचिव दामोदर लम्साल, भीरकोट नगर सभापति यामप्रसाद अधिकारी, जिल्ला समन्वय समिति स्याङ्जाका सदस्य सरस्वती बगाले, कांग्रेस वालिङ १० का वडा सभापति नेत्रप्रसाद सुवेदी, नेपाल शिक्षक संघ वालिङ नगर अध्यक्ष हिमलाल पंगेनी, नेविसंघका केन्द्रीय सदस्य हेमप्रकाश गुरुङलगायतले बोल्नुभएको थियो । कार्यक्रम मञ्चका अध्यक्ष युक्तबहादुर बोगटीको सभापतित्वमा सम्पन्न भएको थियो भने स्वागत होमकान्त गौतमले र सञ्चालन सीता गौडेल गैह्रेले गर्नुभएको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


