स्याङ्जामा लागु औषध सहित दुई युवा पक्राउ ।

वालिङ, भदौ २४ गते ।
स्याङ्जामा लागु औषध सहित दुई युवालाई प्रहरीले पक्राउ गरेको छ । वालिङ नगरपालिका १० भकुण्डे स्थित सिद्धार्थ राजमार्गमा बुटवलबाट पोखरा तर्फ जादै गरेको ग.२ ख. ५१५ नं. को बसमा यात्रा गरिरहेका दुई युवालाई लागु औषध सहित पक्राउ गरिएको प्रहरीले जनाएको छ ।
पक्राउ पर्नेमा कास्कीको पोखरा महानगरपालिका वडा नं. १५ रामबजारका १७ बर्षीय शिव बस्नेत र स्याङ्जाको विरूवा गाउँपालिका वडा नं. २ अर्चलेका २२ को अजय राना रहेकाछन् ।
उनीहरुको साथबाट डाईजेपाम ५० एम्पुल, फेनारागन ५० एम्पुल र नोफिन ५० एम्पुल गरी १५० एम्पुल बरामद गरिएको जिल्ला प्रहरी कार्यालय स्याङ्जाका सूचना अधिकारी प्रहरी निरिक्षक पावल सिंह लामाले जानकारी दिनुभयो । यसबारे थप अनुसन्धान भईरहेको उहाँले जानकारी दिनुभयो ।

Facebook Comments Box