सगरमाथा जाने बाटो बनाउने काम सुरु ।
सोलुखुम्ब:
हिमाल आरोहणको सिजन सुरु हुनै लाग्दा विश्वको सर्वोच्च शिखर सगरमाथा चढ्ने बाटो बनाउने काम सुरु भएको छ । आरोहरणका लागि दक्ष कामदारहरू (आइसफल डाक्टर) ले बाटो बनाउने कामलाई तीव्रता दिएका छन् ।
आइसफल डाक्टर आङसर्की शेर्पाको नेतृत्वमा ८ जनाको टोलीले अहिले बाटो बनाउने काम गरिरहेको छ । १५ दिनअघि काम सुरु गरेको हिमालका विज्ञहरुको उक्त टोलीले पहिलो आधार शिविरसम्म बाटो बनाइसकेको सगरमाथा प्रदूषण नियन्त्रण समिति एसपीसीसीले जनाएको छ ।
हिमालको सरसफाई र बाटो निर्माण तथा मर्मतको जिम्मा पाएको एसपीसीसीले चालु सिजनको लागि अबको १५ दिनभित्र दोश्रो आधार शिविरसम्म बाटो बनाइसक्ने लक्ष्य लिएको एसपीसीसीका अध्यक्ष लामाकाजी शेर्पाले बताए ।
एसपीसीसीबाट खटिएको दक्ष टोलीले अहिले खुम्बु आइसफलमा भर्याङ राख्ने र डोरी टाँग्ने काम गरिरहेको छ । ‘हिमालमा बाटो बनाउने काम एक जोखिमपूर्ण हुन्छ,’ अध्यक्ष शेर्पाले भने, ‘अबको १५ दिन भित्र चाहिँ दोश्रो आधार शिविरसम्मको काम सकिन्छ होला ।’
एसपीसीसीले सगरमाथा, ल्होत्से र नुप्त्से हिमालको पनि बाटो बनाउने गर्छ । दोश्रो आधार शिविरबाट नै ल्होत्से र नुप्त्सेको पनि आरोहण गरिन्छ । दोस्रो शिविरसम्मको बाटो तयार भइसकेपछि त्यसभन्दा माथिको बाटो भने आरोहण गराउने कम्पनीहरूले निर्माण गर्दै आएका छन् । विसं २०५४ सालदेखि पर्यटन विभागको पर्वतारोहण महाशाखासँग सहकार्य गरेर सगरमाथाको दोस्रो शिविरसम्म बाटो बनाउने काम गैरसरकारी संस्था एसपीसीसीले गरिरहेको छ ।
यस्तै बाटो बनाउन प्रयोग हुने डोरी विदेशबाटै झिकाउने गरिन्छ । नेपालमा कमसल डोरी पाइने भएकाले अमेरिका र कोरियाबाट ९ मिलिमिटर मोटाइ भएका डोरी प्रयोग गर्ने गरेको आइसफल डाक्टरको भनाइ छ । दोश्रो आधार शिविरसम्म पुग्न ५ हजार ५ सय मिटरसम्म डोरी खर्च हुने गरेको छ ।
भर्याङ भने समय र हिमाली वातावरण हेरेर २० देखि ४० वटासम्म प्रयोग हुने गरेको छ । हिउँका खर्पसको अवस्थाका कारण भर्याङको संख्या निर्भर हुन्छ । सगरमाथा क्षेत्रमा बाटो बनाउनुअघि बौद्ध परम्पराअनुसार आधार शिविरमा पूजापाठ गरेर मात्रै काम सुरु गरिन्छ । ‘शेर्पाहरुले हिमाललाई देवता मान्ने परम्परा छ, त्यसै मान्यता अनुसार चढ्दा पाप नलागोस् भनेर नै पूजा गरेर मात्रै काम सुरु गर्ने गर्छौंं’ अध्यक्ष शेर्पाले भने ।
यसैबीच, बसन्तयाममा नेपालका हिमाल चढ्नका लागि अनुमति लिने क्रम सुरु भएको छ । वैशाखरजेठमा हुने पर्वतारोहणका लागि आरोहीहरूले अनुमति लिने क्रम सुरु भएको पर्यटन विभागले जनाएको छ । आरोहीका लागि अनुमति दिने तथा आरोहण प्रमाणीकरण गर्ने काम पर्यटन विभागले गर्दै आएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


