गरिबी, रोग, भोक, अशिक्षा, बेरोजगारी र भ्रष्टाचार काँग्रेसको शत्रु हुन् : उपसभापति गुरुङ
स्याङजा क्षेत्र नं २ का नेपाली काँग्रेस प्रतिनिधी सभा उम्मेदवार धनराज गुरुङले फरक पार्टी, फरक पार्टीको झण्डा बोक्दैमा, फरक बिचार हुदैमा कोहि पनि हाम्रो शत्रु नहुने कुरा बताउनुभएको छ । उहाँले वास्तवमा हाम्रो शत्रु भनेको गरिबी, रोग, भोक, अशिक्षा, बेरोजगारी तथा भ्रष्टाचार भएको बताउनुभएको छ । चुनावी प्रचार प्रसार कार्यक्रमलाई तिव्र रुपमा अगाडी बढाउने क्रममा शुक्रबार कालिगण्डकी ६ र ७ का विभिन्न स्थानमा गरिको चुनावी कार्यक्रमलाई सम्बोधन गर्दै गुरुङले यस्तो बताउनुभएको हो । फरक पार्टि र फरक पार्टिको झण्डा बोक्दैमा, फरक विचार हुदैंमा मान्छेको शत्रु मान्छे नै नहुने बताउदै शत्रु गरिबी, रोग, भोक, अशिक्षा, बेरोजगारी तथा भ्रष्टाचार रहेको उहाँको भनाई छ ।

यी सबैका विरुद्ध लडेर देशलाई सहि मार्गमा हिडाउनको लागि नयाँ यात्रा तय गरेकाले त्यसमा नागरिकको पुर्ण साथको अपेक्षा गर्नुभएको छ । आगामि मंसिर ४ गतेको चुनावमा समुन्नत देश निमार्णको लागी आफुँलाई मतदान गरि शुसासनको यात्रालाई शुभयात्रामा परिणत गर्न समेत आग्रह गर्नुभयो । देशलाई सहि मार्गमा हिडाउनको लागी आफ्नो शत्रुलाई परास्त गर्नुपर्ने भएकाले त्यसको थालनी गरेको र त्यसलाई निरन्तरता दिनको लागी सबै स्याङजाबासीको साथ आवश्यक रहेको उहाँको भनाई छ ।

जब सम्म भ्रष्टाचारको बिरुद्ध आवाज उठाउदैनौ तब सम्म थला परेको देश उठाउनको लागि मंसिर ४को चुनावमा सोच बिचार गरेर मतदान गर्न आग्रह गर्नुभयो । युवालाई रोजगारी दिने र भ्रष्टाचारलाई जरैदेखी निमुर्ल पार्नको लागी जनता चनाखो हुनुपर्ने उहाँले बताउनुभयो । कार्यक्रममा पुर्व सांसद मोहन पाण्डे, शंकर पाण्डे, प्रदेश (ख) का उम्मेदवार महेश भट्टराई, चापाकोट नगरप्रमुख देबबहादुर खाँण (ईश्वर), युवा नेता भागवत प्रकाश मल्ल लगायतको सहभागिता रहेको थियो ।
यस्तै प्रदेश (क) का उम्मेदवार भोजराज अर्यालसहितको टोलिले शुत्रबार वालिङ ५ र ९ का विभिन्न ठाउँहरुमा चुनावी तथा घरदैलो कार्यक्रम गरेको छ । कार्यक्रममा बोल्नुहुदै अर्यालले जनताको हातमा हात र काँधमा काँध मिलाएर हरेक परिस्थितिमा संगै हिड्ने पार्टी नेपाली काँग्रेस भएकाले आगामि चुनाव पछि पनि सारथि बनाउन आग्रह गर्नुभयो । स्याङजाको विकासमा आफु निरन्तर अहोरात्र खटिरहेको र अब पनि पछि नहट्ने उहाँको दाबी छ । दिगो बिकासका लागी विभिन्न योजनाका साथ फेरी जनतामाझ आएको र छुट्टैखाले निती निमार्ण गरेर पाँच वर्षमा स्याङजालाई नमुना जिल्लाको रुपमा विकास गर्ने प्रतिबद्धता गर्नुभएको छ । कार्यक्रममा भिरकोट नगर सभापति याम बहादुर अधिकारी (लक्ष्मण) लगाएतको सहभागिता रहेको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


