साफ महिला च्याम्पियनशिप : नेपालले श्रीलङ्कालाई ६ गाेलले हरायाे, समूह विजेता बन्दै सेमिफाइनलमा
काठमाण्डाै : साफ महिला च्याम्पिनसशिप अन्तर्गत समूह ‘बी’ काे अन्तिम खेलमा नेपालले श्रीलङ्कालाई ६–० गाेल अन्तरले हराएकाे छ ।
दशरथ रङ्गशालामा भएकाे खेलमा नेपालका लागि रश्मीकुमारी घिसिङले खेलकाे नवाैँ मिनेटमा पहिलाे गाेल गरिन् । यस्तै ११ औँ मिनेटमा सरु लिम्बुले गाेल गर्दै नेपालकाे अग्रता दाेब्बर बनाइन् । यस्तै खेलकाे १७ औँ मिनेटमा अमृता जैशी र इन्ज्युरी समयमा दीपा राईले गाेल गरिन् । यस्तै अनिशा कार्कीले खेलकाे ७६ र दाेस्राे हाफकाे इन्ज्युरी समयमा गाेल गरिन् ।
याे जितसँगै नेपाल समूह ‘बी’ काे विजेता बन्दै सेमिफाइनलमा पुगेकाे छ । नेपालले पहिलाे खेलमा भुटानलाई चार–शून्यले हराएकाे थियाे । यही समूहबाट भुटान यसअघि सेमिफाइनलमा प्रवेश गरिसकेको छ । यस्तै समूह ‘ए बाट भारत र बङ्गलादेश अन्तिम चारमा गइसकेका छन् ।
समाचार
थप सामाग्रीलागूऔषधसहित दुई युवक पक्राउ
२ हप्ता अगाडि
स्याङ्जा : जिल्ला प्रहरी कार्यालय स्याङ्जाले लागूऔषधसहित दुई युवकलाई नियन्त्रणमा लिएको छ । पुतलीबजार ११ सुम्रेखोलामा जिल्ला प्रहरी कार्यालयबाट खटिएको…