काठमाण्डौको भृकुटीमण्डपमा आगलागी ।

काठमाण्डौ:

काठमाडौंको भृकुटीमण्डपमा बुधबार दिउँसो आगलागी भएको छ। भृकुटीमण्डपभित्र रहेको ह्विलचेयर गोदाममा आगलागी भएको हो।

जिल्ला प्रहरी परिसर काठमाडौंका प्रवक्ता प्रहरी उपरीक्षक दिनेशराज मैनालीका अनुसार बुधबार दिउँसो झन्डै तीन बजेतिर ह्विलचेयर राखेको गोदाममा आगलागी भएको हो।

‘अहिले आगलागी नियन्त्रण गर्ने काम भइरहेको छ’, उनले भने ‘आगलागीपछि काठमाडौं, भक्तपुर र ललितपुर महानगरपालिकाको दमकल, प्रहरी र स्थानीयको सहयोगमा आगो नियन्त्रणमा लिने प्रयास भइरहेको छ। अहिलेसम्म कुनै पनि मानवीय क्षति भएको छैन। आगलागी कसरी सुरु भयो भन्ने खुलेको छैन।’ प्रहरी उपरीक्षक मैनालीले घटनाको थप विवरण आउन बाँकी रहेको बताए।

Facebook Comments Box