श्रमजिवी पत्रकार ऐन कार्यान्वयनको अवस्था विषयमा अन्तरक्रिया
वालिङ, ६ असार :
श्रमजिवी पत्रकार ऐन कार्यान्वयनको अवस्था, चुनौति र भावी रणनीति विषयक जिल्लास्तरीय अन्तरक्रिया कार्यक्रम आज स्याङ्जाको वालिङमा सम्पन्न भएको छ ।
न्यूनतम पारिश्रमिक निर्धारण समितिको आयोजना तथा नेपाल पत्रकार महासंघ स्याङ्जाको ब्यवस्थापनमा अन्तरक्रिया कार्यक्रम गरिएको हो ।
अन्तरक्रिया कार्यक्रममा बोल्नुहुँदै न्यूनतम पारिश्रमिक निर्धारण समितिका अध्यक्ष संगीता खड्काले श्रमजिवी पत्रकार ऐनलाई कार्यान्वयनमा लगिने बताउनुभयो । उहाँले ऐन कार्यान्वयनकाक्रममा देखिएका चुनौतिहरुलाई समाधान गर्दै अगाडि बढ्ने बताउनुभयो ।
कार्यक्रममा नेपाल पत्रकार महासंघ स्याङ्जाका अध्यक्ष श्रीकृष्ण सिग्देलले सरोकारवाला पक्षहरुबीचमा न्युनतम पारिश्रमिक निर्धारणको कार्यान्वयन गर्नमा जोड दिईने बताउनुभयो ।
कार्यक्रममा नेपाल पत्रकार महासंघ स्याङ्जाका निवर्तमान अध्यक्ष ओमप्रकाश शर्मा, नेपाल प्रेस युनियन स्याङ्जाका अध्यक्ष प्रदीप कोईराला, प्रेस चौतारी स्याङ्जाका अध्यक्ष सुशील सुबेदी, प्रेस सेन्टर स्याङ्जाका नारायण विक लगायतले स्याङ्जाको पत्रकारिताको अवस्था, यहाँका चुनौतिहरु र श्रमजिवी पत्रकार ऐन कार्यान्वयनको अवस्थाका विषयमा आ आफ्नो धारणा राख्नुभएको थियो ।
नेपाल पत्रकार महासंघ स्याङ्जाका अध्यक्ष श्रीकृष्ण सिग्देलको अध्यक्षतामा सम्पन्न कार्यक्रमको सञ्चालन सहसचिव तोलाकान्त बगालेले गर्नुभएको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


