चापाकोटमा निशुल्क माटो परिक्षण शिविर शुरु ।

माटो परिक्षण शिविरको उद्दघाटन गर्दै नगर प्रमुख शिवकुमार गिरी ।

माधव भट्टराई / चापाकोट :
स्याङ्जाको चापाकोट नगरपालिकामा निशुल्क माटो परिक्षण शिविर शुरु भएको छ । नगरपालिकाको कार्यालय परिसरमा शुरु भएको शिविरको उद्दघाटन गर्दै चापाकोट नगर प्रमुख शिव कुमार गिरीले नगर क्षेत्रमा रहेको जमिनको वास्तविक अवस्था पत्ता लगाउने उद्देश्यले माटो परिक्षण शिविर सञ्चालन गरिएको जानकारी दिनुभयो । उहाँले शिविरमा परिक्षण गराई आ—आफ्नो जग्गाको माटोका अवस्था पत्ता लगाउन नगरवासीलाई आग्रह समेत गर्नु भयो । माटोको अवस्था जानकारी भएमा सोही अनुशारको विभिन्न गतिविधी गर्न सकिने छ भन्दै नगर प्रमुख गिरीले भन्नुभयो जमिनको उत्पादकत्व वढाउन पनि माटोको वास्तविक अवस्था जान्न आवश्यक छ ।