दीगो विकासका लागि जनसहभागिता आवश्यक-मन्त्री अर्याल ।

राधाकृष्ण डुम्रे / वालिङ :
भुमि व्यवस्था सहकरी तथा गरिवि निवारण मन्त्री पद्मा अर्यालले विकास निमार्णमा जनसहभागिता बनाउन अपरिहार्य रहेको बताउनु भएको छ । मन्त्री अर्यालले भन्नुभयो,“जनसहभागिताले नै विकासलाई दीगो र भरपर्दाे बनाउदछ ।” स्याङ्जामा निर्माणाधीन आयोजनाहरुको अनुगमन तथा निरिक्षण गर्दै मन्त्री अर्यालले श्रोत र साधनको उपयोग तथा संरक्षणमा जोड दिन समेत आग्रह गर्नुभयो । आफ्नो गाउँठाउँमा के कस्ता विकासका गतिविधि भईरहेकाछन् यसमा सर्वसाधारण जनता चनाखो हुनु पर्ने मन्त्री अर्यालको भनाई छ । उहाँले जनता सक्रिय भएमा मात्रै गुणस्तरीय विकास सम्भव हुने स्पष्ट पार्नु भयो ।

संघीय सरकारबाट सञ्चालित जिल्लाका सडक, पार्क, मालपोत कार्यालय, नापी कार्यालय, स्वास्थ्य केन्द्र र स्वास्थ्य चौकीहरुको समेत मन्त्री अर्यालले अनुगमन तथा निरिक्षण गर्नुभएको मन्त्रीका निजी सचिव ललित थापाले जानकारी दिनुभयो । अनुमगनका क्रममा मन्त्री अर्यालले गुणस्तरीय काम, छिटो र छरितो गर्न ठेकेदार कम्पनी तथा निर्माणकर्तालाई निर्देशन पनि दिनुभएको छ ।

मन्त्री अर्यालले भन्नुभयो, “योजनाहरु दीर्घकालिन होस, एउटा विकासले विभिन्न भावी संभावनाहरु निर्माण गरोस ।” आयोजनाहरुमा जनस्तरको समेत चासो हुनपर्ने भन्दै योजना माग गरेर मात्रै दायित्व पुरा नहुने मन्त्री अर्यालको भनाई छ । उहाँले थप्नु भयो जन आंकक्षा पुरा हुने गरी छिटो छरितो काम गर्न आवश्यक छ ।
मन्त्री अर्यालले काम भए नभएको अनुगमन गरी छिटो काम सम्पन्न गर्न जनदवाव आवश्यक पर्नेमा जोड दिनु भयो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


