भीरकोट र पुतलीवजारबाट नियन्त्रणमा लिएको अवैध मदिरा नष्ट (फोटो फिचर) ।

कला राना/ वालिङ :
जिल्ला प्रहरी कार्यालय स्याङ्जाले समुदाय प्रहरी साझेदारी कार्यक्रम अन्र्तगत जिल्लाका विभिन्न स्थानबाट अवैध घरेलू मदिरा नष्ट गरेको छ । विहिबार विशेष सूचनाको आधारमा जिल्ला प्रहरी कार्यालय र प्रहरी चौकी दहथुमबाट संयुक्त रुपमा खटिएका प्रहरी अधिकृतसहितको टोलीले पुतलीबजार नगरपालिका १३, भीरकोट नगरपालिका १ र ६ का विभिन्न स्थानमा घरेलु मदिरा एवं मदिरा बनाउने कच्चा पदार्थ समेत बरामद गरी नष्ट गरेको जिल्ला प्रहरी कार्यालय स्याङ्जाले जनाएको छ । दुवै नगरबाट प्रहरीले तयारी मदिरा २५० लिटर र कच्च पदार्थ १ हजार २ सय १० लिटर बरामद गरी नष्ट गरेको हो ।