मंगलवार मृत अवस्थामा भेटिएका अधिकारीको हत्या भएको पुष्टी, हत्या आरोपी पक्राउ ।
श्रीकृष्ण सिग्देल / वालिङ :
जेष्ठ २७ गते भीरकोट नगरपालिका १ मुल्कीचौपारीमा मृत भेटिएका भनिएका व्यक्तिलाई हत्या गरेको खुल्न आएको छ । स्याङ्जाको पुतलीबजार नगरपालिका १३ का ५५ वर्षीय राजेश अधिकारीको शव २७ गते विहान मृत अवस्थामा भेटिएको थियो । जिल्ला प्रहरी कार्यालयका सूचना अधिकारी एवं प्रहरी नायव उपरिक्षक नविनकृष्ण भण्डारीका अनुसार २६ गते राती मृतक अधिकारीले मादक पदार्थ सेवन गरी रुपन्देही देवदह १० घर भई भीरकोट १ डायमण्डचोक बस्ने ३९ वर्षीय लेखबहादुर सुर्यवंशीले हत्या गरेको खुल्न आएको हो ।

सुर्यवंशीको डेरामा गई काम गरेको पैसा मागेकोमा एक दुई दिनमा दिउँला भन्दा आत्म सम्मानमा चोट पुग्ने गरी गाली गलौज गरेको भन्दै सुर्यवंशीले मृतक अधिकारीलाई हथौडा र काठको चिरपटले प्रहार गरी हत्या गरेको प्रहरीले जनाएको छ । सुर्यवंशीको प्रहारबाट घाईते भएका मृतक अधिकारीको मृत्य भएको प्रहरी उपरिक्षक भण्डारीले बताउनु भयो । सुर्यवंशीलाई जिल्ला अदालतमा पेश गरि म्याद थप गरी थप अनुसन्धान प्रक्रिया अगाडि बढाएको प्रहरीले जनाएको छ । प्रहरीले हत्यारा पत्ता लगाउन गण्डकी प्रदेशबाट कुकुर सहित जिल्ला प्रहरी प्रमुख राजकुमार लम्सालको कमाण्डमा टोली खटिएको थियो । हत्यामा संलग्न सुर्यवंशी र मृतक दुवैले मादक पदार्थ सेवन गरेर झगडा हँुदा घट्ना घटेको प्रहरीले जनाएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


