किन छैन प्रारम्भिक नतिजामा तेस्रो लिङ्गी ( यौनिक तथा लैंगिक अल्पसंख्यक) को तथ्यांक ?
काठमाण्डौ
तथ्यांक विभागले यो वर्ष २०७८ सालको प्रारम्भिक जनगणना सार्वजनिक गर्दा पुरुष र महिलाको मात्रै जनसंख्या समेटेको छ । विभागले आज तथ्यांक सार्वजनिक गर्नेक्रममा पुरुष र महिलाको संख्या स्पष्टसँग उल्लेख गरेको छ । तथ्यांकमा जनगणनाबाट पुरुषको संख्या १ करोड ४२ लाख ९१ हजार ३११ र महिलाको संख्या १ करोड ४९ लाख १ हजार १६९ रहेको देखाइएको छ । तर, विभागले तेस्रो लिङ्गी ( यौनिक तथा लैंगिक अल्पसंख्यक) को तथ्यांक कतै समेटेको छैन ।
पुरुष र महिलाको जनसंख्या सार्वजनिक गर्दा तेस्रो लिङ्गीलाई किन छुट्याएको भन्ने प्रश्नमा विभाग भन्छ, ‘यो प्रारम्भिक रिपोर्ट हो । यसमा विस्तृत तथ्यांक समेटिएको छैन ।’ गणकहरूले जनगणना गर्दा सोध्न तयार पारिएको मूख्य प्रश्नावलीका आधारमा यो प्रारम्भिक तथ्यांक सार्वजनिक गरिएको विभागको भनाई छ ।विभागले जनगणनाको प्रश्नावलीमा लिङ्गमा पुरुष र महिलालाई मात्र समेटेको जनाएको छ । जनगणनाको तथ्यांक संकलन गर्दै गर्दा गणकहरूको मूख्य प्रश्नावलीमा तेस्रो लिङ्गीलाई नसमेटिएकाले नै तथ्यांक आउन ढिला हुने विभागले बताएको छ ।
‘अहिले महिला र पुरुषको मात्रै जनसंख्या समेटिएको छ । उमेर समूहअनुसार र बालबालिका तथा वृद्धवृद्धाको संख्या समेटिएको छैन,’ विभाग भन्छ, ‘अब विस्तृत तथ्यांकमा सबैलाई समेटिन्छ ।’ एक यौनिक तथा लैंगिक अल्पसंख्यक अधिकारकर्मीले जनगणनामा महिला र पुरुष मात्रै उल्लेख गरिएको भन्दै असन्तुष्टि जनाए । उनले भने, ‘तथ्याङ्क विभागले महिला पुरुषको मात्र तथ्याङ्क निकालेको देखिन्छ । नेपालमा कति यौनिक तथा लैंगिक अल्पसंख्यक छन् भनेर तथ्याङ्क सार्वजनिक किन नगरेको होला ?”
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


