एमाले महाधिवेसन : २४ प्रतिनिधिका लागि स्याङ्जाका ८९ जनाको उमेदवारी
वालिङ : नेकपा एमालेको १० औं राष्ट्रिय महाधिवेसनका लागि ८९ जनाले उमेदवारी दिएका छन् । राष्ट्रिय महाधिवेसन प्रतिनिधिका लागि स्याङ्जाबाट २४ जना जान पाउने छन् । एमाले स्याङ्जामा बिहिवार भएको राष्ट्रिय महाधिवेसन प्रतिनिधिका लागि उमेदवारी दर्ता भएको थियो । २४ जना राष्ट्रिय महाधिवेसन प्रतिनिधिका लागि ८९ जनाले उमेदवारी दर्ता गराएको नेकपा एमाले दशौं राष्ट्रिय महाधिवेसन निर्वाचन समितिका सदस्य यादवराज शर्माले जानकारी दिए ।
एमालेको जिल्लाभर १३ हजार ६ सय ४८ संगठित सदस्य रहेका छन् । दुई क्षेत्रबाट चुनिने राष्ट्रिय महाधिवेसन प्रतिनिधिका लागि नेकपा एमाले स्याङ्जाले सदरमुकाम पुतलीबजारमा उमेदवारी दर्ता गर्ने प्रक्रिया गरेको थियो । निर्वाचन समिति शर्माका अनुसार स्याङ्जा क्षेत्र नं. १ बाट खुलामा ३७ र महिलाबाट ९ जनाले राष्ट्रिय महाधिवेसन प्रतिनिधिका लागि उमेदवारी दर्ता गराएका छन् । खुलाबाट ७ र महिलाबाट ३ जना निर्वाचित हुने एमालेको विद्यानमा उल्लेख छ । क्षेत्रबाट १० जना राष्ट्रिय महाधिवेसनका लागि निर्वाचित हुने छन् । त्यसका लागि ३६ जना उमेदवार बाहिरिनुपर्ने छ ।
त्यसै गरी क्षेत्र नं. २ बाट खुलामा २९ जना र महिलाबाट ९ जनाले उमेदवारी दर्ता गरेका छन् । क्षेत्र नं. २ बाट १० जना निर्वाचित हुनुपर्ने छ । त्यसका लागि २८ जना बाहिरीनु पर्ने छ । जिल्लाभर उत्पिडित वर्गबाट ४ जना प्रतिनिधिका लागि ५ जनाको उमेदवारी दर्ता भएको छ । सर्वसहमतिय प्रणालीबाट अधिवेसन सम्पन्न गर्ने नीति लिएको नेकपा एमालले राष्ट्रिय महाधिवेसन प्रतिनिधिमा पनि सहमतिको प्रयासबाट टुङ्गाउने बताइएको छ । शुक्रवार १० बजेसम्म दावी विरोध र साझ ४ बजे अन्तिम नामावली प्रकाशन गर्ने कार्यतालिका रहेको छ । भोली साझ सम्म सहमति नभएमा शनिवार सबै पालिकामा निर्वाचन गर्ने तयारी भएको निर्वाचन सदस्य शर्माले बताए । दुवै क्षेत्रमा नेताहरु सहित सहमतिका लागि छलफल भइरहेको एमाले स्याङ्जाले जनाएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


