फेदीखोला—३ बन्यो गाँउपालिकाको तेस्रो पूर्ण सरसफाई वडा ।

आँधीखोला खवर/ फेदीखोला :
विश्व वातावरण दिवसको अवसर पारेर फेदिखोला गाउपालिकाले वडा नं. ३ लाई पूर्ण सरसफाई वडा घोषणा गरेको छ । वडा घोषणा गर्दे गाउपालिकाका अध्यक्ष घनश्याम सुवेदीले नारामा मात्र घोषणा नभई आफना आनाीवानीमा परिवर्तन गरी निरन्तरता दिएमा मात्र घोषणाले सार्थकता पाउनेमा जोड दिनुभयो ।

कार्यक्रममा उपाध्यक्ष देवी थापा, पूर्व जनप्रतिनिधी सुवेदार बोधराज रानाभाट, प्रगतीशील बचत तथा ऋण सहकारी संस्थाका अध्यक्ष गीता शर्मा, रेडक्रसका ज्ञानबहादुर रानाभाट, सामुदायिक विकास स्रोत केन्द्रमा रेशमबहादुर रानाभाट लगायतले शुभकामना मन्तब्य ब्यक्त गनुृभएको थियो । वडा नं. ३ का अध्यक्ष कृष्णबहादुर रानाभाटको अध्यक्षतामा सम्पन्न कार्यक्रमको संचालन सचिव लक्ष्मीप्रसाद लामिछानेले गर्नुभएको थियो । गत वर्ष गाँउपालिकाले वडा नम्वर १ र ५ लाई पूर्ण सरसफाई वडा घोषणा गरिसकेको अध्यक्ष सुवेदीले जानकारी दिनुभयो ।