बंगुरको खोरमा पसेको चितुवालाई गोली हानेर प्रहरीले नियन्त्रणमा लियो ।
स्याङ्जा : स्याङ्जाको गल्याङ नगरपालिका वडा नम्बर ७ का खड्कबहादुर गाहा आइतबार बिहान बंगुरको दाना लिएर खोरतर्फ जाँदै थिए । अन्दाजी साढे ७ बजेतिर खोरमा पुग्दा उनले बंगुरको खोरमा चितुवा देखे । उनले तत्काल प्रहरीलाई खबर गरे । खबर पाएलगत्तै प्रहरी घटनास्थल पुग्यो ।
खड्कबहादुरको बंगुरको खोरमा ८ वटा बंगुर थिए, जसमध्ये ३ वटा त चितुवाले मारिसकेको रहेछ । प्रहरी, स्थानीय र वनका कर्मचारी बंगुर खोर भएको ठाउँमा पुगे ।
चितुवा अचानक खोरबाट भागेर ५० मिटर टाढा मानिस भएको ठाउँमा पुग्यो । चितुवाले गल्याङ ७ तोलातुङ का ३८ वर्षीय लालबहादुर विकलाई एक्कासि आक्रमण गरेपछि विकको जीवन रक्षार्थ प्रहरीले गोली चलाउनु पर्यो ।
सब डिभिजन वन कार्यालयका कर्मचारी र स्थानीय जनप्रतिनिधिको रोहबरमा गोली हानिएको हो । गोली लागेर घाइते भएको चितुवा केही समयपछि मरेको थियो ।
मृत चितुवाको मुचुल्का कार्य सम्पन्न गरी वन कार्यालयका जिम्मा लगाइएको थियो । चितुवालाई प्रहरी र जनप्रतिनिधिको रोहबरमा गल्याङ ३ नर्सरी वन कार्यालयको कम्पाउन्डमा खाडल खनी पुरिएको छ ।
घाइते लालबहादुरको गल्याङ नगर अस्पतालमा उपचारपश्चात घर पठाइएको प्रहरीले जनाएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


