स्याङ्जामा पनि शुरु भयो निषेधाज्ञा ।
स्याङ्जा :
कोरोना संक्रमण बढ्न थालेपछि स्याङ्जामा मंगलबार (आज) बिहान देखि निषेधाज्ञा लगाईएको छ । जिल्ला कोभिड–१९ संकट व्यवस्थापन केन्द्रको बैठकले निषेधाज्ञा जारी गर्ने निर्णय गरेको प्रमुख जिल्ला अधिकारी दीपकराज नेपालले बताउनु भयो । जिल्लामा संक्रमितको संख्या २ सय कटे पछि लकडाउन गर्नु परेको उहाँको भनाई छ ।
जिल्ला प्रशासन कार्यालयले जारी गरेको विज्ञप्तिमा वैशाख २१ गते बिहान ६ बजेदेखि वैशाख ३१ गते राति १२ बजेसम्म निषेधाज्ञा लगाइएको उल्लेख छ ।
जिल्लामा हाल २ सय १२ जना संक्रमित पाइएका छन् । स्याङ्जामा अहिलेसम्म विभिन्न पालिकामा गरी २ सय १० वटा आइसोलेसन बेड छन् ।
प्रजिअ नेपालले सबै पालिकामा आइसोलेसन सेन्टर बनाउन शुरु गरिएको बताउनु भयो । । यसभन्दा अघि वालिङ, गल्याङ, भीरकोट, पुतलीबजार, फेदीखोला र आँधीखोलामा आइसोलेसन सेन्टर निर्माण गरिएको थियो । कोरोनाका बिरामीलाई मध्यनजर गर्दै जिल्ला अस्पतालमा १० वटा बेड एचडीयू (पाइपलाइनबाटै अक्सिजन दिन मिल्ने सेवा) निर्माण गर्न लागिएको छ । अहिले जिल्ला अस्पतालमा २५÷३० जनालाई अक्सिजनसहितको उपचार दिन सकिने व्यवस्था रहेको प्रजिअ नेपालले जानकारी दिनुभयो ।
औषधि उपचार, खाद्य वस्तु तथा अत्यावश्यक वस्तु खरिद गर्न नजिकका पायक पर्ने स्थानमा जाने बाहेक अन्य कामका लागि हिँडडुल गर्न नपाउने व्यवस्था गरिएको जिल्ला प्रशासन कार्यालयले जनाएको छ ।
जिल्ला स्वास्थ्य कार्यालयका अनुसार जिल्लामा अहिलेसम्म १ हजार ३३ जना कोरानाबाट संक्रमित छन् । ती मध्ये ८ सय २१ जना निको भएको र २ सय १२ जना सक्रिय संक्रमित रहेको पनि स्वास्थ्य कार्यालयले जनाएको छ । स्याङ्जामा अहिलेसम्म कोरोना संक्रमणबाट मृत्यु हुनेको संख्या २३ पुगेको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


