स्याङ्जाका चार स्थानमा डढेलो
भवानी अधिकारी/स्याङ्जा : स्याङजाका विभिन्न चार स्थानमा बिहीबार साँझदेखि डढेलो सहितको आगलागी भएको छ। तीन स्थानमा त अझै आगलागी नियन्त्रणमा नरहेको प्रहरीले जनाएको छ। विभिन्न स्थानमा लागेको आगलागीमा परी १५ वटा बाख्रा मर्नुका साथै ५ घाइते छन्। घर र गोठ जलेर लाखौंको क्षति पुगेको छ।
गल्याङ नगरपालिका ७ दारेगैडास्थित लसुन स्थित ७० वर्षीया भागिरथी पाण्डेको खरले छाएको ढुंगाा माटाले बनेको घर र गोठ जलेको छ। गोठभित्र रहेका ७ वटा बाख्रा जलेर मरेका छन् भने एउटा घाइते भएको छ।
सोही ठाउँका ७१ वर्षीय चन्द्रप्रसाद पाण्डेको पनि एक तले खरले छाएको घर र घरसँगै जोडिएको गोठमा आगोले क्षति पुर्याएको छ। उनको पनि गोठमा रहेको ८ वटा बाख्रा मरेका छन् भने ४ वटा घाइते छ।
आगलागीबाट करिव ३ लाख ५० हजार बराबरको क्षति भएको र मानवीय क्षति भने नभएको प्रहरी नायब उपरीक्षक राजेन्द्र अधिकारीले जानकारी दिए। घर र गोठमा लागेको आगो स्थानीय र प्रहरीको सक्रियतामा निभाइएको छ।
अहिले पनि पुतलीबजार नगरपालिका ५ र ६ को संगमस्थल भालुपहाड, वालिङ नगरपालिका २ स्थित धोवादी सामुदायिक बनमा र बिरुवा गाउँपालिका स्थित चन्द्रकोट सामुदायिक बनका भीरपाखामा आगो बलिरहेको प्रहरीले जनाएको छ।
मानव बस्तीभन्दा पर मानिस जान नसक्ने भीरमा आगो बलेको बताइएको छ। घटनास्थलमा स्थानीयबासी, प्रहरी र सेना पुगेका छन्। बनजंगलमा सुकेका घाँसपातमा आगो लगाएपछि नयाँ घाँसपात राम्रो पलाउने विश्वास गर्दै जंगलमा डढेलो लगाउने गर्ने गरेको प्रनाउ अधिकारीले बताए। उनले भने, ‘कहिले काहीं स साना लापरवाहीका कारण पनि आगलागी हुँदा ठूलो क्षति पुग्छ।’
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


