गण्डकी प्रदेश लोकसेवा आयोगमकाे अध्यक्षमा स्याङ्जाका नेपाल
पोखरा : गण्डकी प्रदेश सरकारले प्रदेश लोकसेवा आयोगको अध्यक्षमा स्याङ्जाका विष्णुप्रसाद नेपाललाई नियुक्त गरेको छ। आयोग अध्यक्षलाई आइतबार शपथ खुवाउने कार्यक्रम तय गरिएको छ।
प्रदेश सरकारको प्रमुख सचिवबाट चैत २ गते उमेर हदका कारण अवकाश पाएका नेपाललाई गण्डकी सरकारले अध्यक्षमा नियुक्त गरेको हो। सदस्यमा कल्पना लम्सालको नाम सिफारिस भएको छ। उनी दमौलीको आदिकवि भानुभक्त बहुमुखी क्याम्पसकी उपप्रमुख हुन्। अर्काे एक सदस्यको भने नाम सार्वजनिक गरिएको छैन।
आयोगको अध्यक्ष र सदस्यको नियुक्तिका लागि मुख्यमन्त्रीको अध्यक्षतामा ३ सदस्यीय सिफारिस समिति रहने कानुनी प्रावधान छ। जसमा प्रदेश सभाका सभामुख र प्रदेश सभाको विपक्षी दलका नेता सदस्य रहन्छन्। यही समितिले अध्यक्षमा नेपालको नाम सिफारिस गरेको हो।
३ सदस्यीय आयोगमा अध्यक्ष वा सदस्यमध्ये कम्तीमा एक जना महिला हुनुपर्ने व्यवस्था गरिएको छ। आयोग बढीमा ३ सदस्यीय रहनेछ। अध्यक्ष र सदस्यको पदावधि ६ वर्ष हुन्छ।
आयोगमा पदाधिकारी नहुँदा प्रदेश आफैंले कर्मचारी भर्नासमेत गर्न पाएको थिएन । अर्कातिर संघीय निजामती ऐन नआउँदा पनि प्रदेशलाई कर्मचारी भर्नामा समस्या छ ।
आयोग पदाधिकारी हुन मान्यताप्राप्त विश्वविद्यालयबाट स्नातकोत्तर उपाधि प्राप्त गरेको, नियुक्ति हुँदाका बखत कुनै राजनीतिक दलको सदस्य नरहेको, अध्यक्षको हकमा ४५ वर्ष र सदस्यको हकमा ३५ वर्ष उमेर पूरा भएको लगायत योग्यता चाहिने व्यवस्था ऐनमा छ । नेपालको संविधानको धारा २४२ ले प्रत्येक प्रदेशमा लोकसेवा आयोग रहने व्यवस्था गरेको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


