लियो क्लब अफ वालिङको आयोजनामा ब्याडमिण्टन प्रतियोगिता

वालिङ :

लियो क्लब अफ वालिङ सिटीको आयोजनामा वालिङस्थित कभर्डहलमा खुल्ला ब्याडमिण्टन प्रतियोगिता भएको छ ।

वालिङ, भीरकोट र चापाकोट नगरपालिकाको सहयोगमा लायन्स क्लब अफ वालिङ सिटीको समन्वयमा आयोजित प्रथम लियो वालिङ ब्याडमिण्टन कप डबल ब्याडमिण्टन प्रतियोगिताको उद्घाटन गर्नुहुँदै भीरकोट नगरपालिकाका नगर प्रमुख छायाराम खनालले खेल तथा खेलाडीको क्षमता विकासका लागि खेलकूद प्रतियोगिता निरन्तर हुनु आवश्यक रहेको बताउनुभयो । उहाँले खेल क्षेत्र तथा खेलाडीहरुको विकासका लागि आँफू निरन्तर लाग्ने प्रतिबद्धता जनाउँदै प्रतियोगिताको सफलताको कामना ब्यक्त गर्नुभयो ।

कार्यक्रममा लियो क्लब ३२५ बी १ नेपालका अध्यक्ष आदर्शमोहन भट्टराई, डिस्ट्रिक एओजी चेतनारायण श्रेष्ठ, भीरकोट नगरपालिका १ का वडा अध्यक्ष एवं नगर प्रवक्ता दिपेन्द्र केसी, लायन्स क्लब अफ वालिङ सिटीका अध्यक्ष कविता भुसाल लगायतले शुभकामना मन्तब्य ब्यक्त गर्नुभएको थियो ।

लियो मणिप्रसाद सुबेदीको स्वागतसँगै शुरु भएको उद्घाटन समारोह संस्थाका अध्यक्ष दिक्षान्त खाँणको सभापतित्वमा सम्पन्न भएको थियो भने सञ्चालन सचिव हरि रेग्मीले गर्नुभएको थियो ।

प्रतियोगितामा प्रथम हुनेले नगद रु. २० हजार, द्वितीय हुनेले रु. १० हजार नगद सहित शिल्ड, मेडल र प्रमाणपत्र प्राप्त गर्नेछन् ।

Facebook Comments Box