स्याङ्जामा सुन्तला उत्पादन बढ्यो, बजार बढेन
स्याङ्जा : यसवर्ष स्याङ्जामा सुन्तला उत्पादन बढेको छ। यहाँका पाखा, पखेरा र बारीका गराहरु यतिबेला पहेंलपुर छन्। तर, किसानले बजार पाएका छैनन्।
मंसिर अन्तिम सातासम्म पनि ब्यापारी नआउँदा किसानमा चिन्ता बढेको छ। अघिल्ला वर्ष यतिबेला झण्डै एक तिहाई सुन्तलाका बोट रित्तिसकेका हुन्थे। यहाँ कात्तिकको अन्तिम सातादेखि फल टिप्न सुरु गरिन्छ।
गतबर्ष ६० करोडको सुन्तला उत्पादन भएको थियो। यसवर्ष पनि अनुकुल मौषमी वातावरणका कारण उत्पादन बढेको छ। तर, सुन्तलाको बजार भने खुम्चिएको छ। जिल्लाको मुख्य उत्पादन सुन्तला हो। सुन्तलावाटै वर्षेनी करोडौं रुपैयाँ भित्रिन्छ। जिल्लाका ११ पालिकामध्ये केही वडाबाहेक सबैमा सुन्तला फल्छन्। सुन्तलाका लागि उपयुक्त हावापानी मिलेको कारण जिल्लामा सुन्तला सुपरजोन परियोजना कार्यान्वयनमा छ।
अगुवा किसान अर्जुनचौपारीका फणिनारायण अर्यालले यसवर्ष राम्रो उत्पादन भएर खुशी भएका किसानले समयमा बजार नपाउँदा दुखी भएको गुनासो सुनाए। ढिलो समयसम्म सुन्तला बोटमै रहे अर्को वर्षका लागि पनि समस्या पर्ने उनको भनाइ छ।
ब्यवसायिक सुन्तला किसानले ५० हजारदेखि ३० लाखसम्म आम्दानी गर्ने गर्दछन्। उत्तर फर्केको अधिकांश बारी, पाखा, बनमा समेत लटरम्मै सुन्तला झुलेका छन्। ८ सयदेखि १२ सय मिटर उचाई र उत्तर फर्केको जमिनमा सुन्तलाको उत्पादन हुने सुन्तला किसान भूमिजंग केसीको भनाइ छ।
पुतलीबजार, वालिङ्, भीरकोट, चापाकोट, गल्याङ नगरपालिकाका अधिकांश वडामा सुन्तला खेती हुन्छ। दहथुम, अर्जुनचौपारी, एलादी, मनकामना, खिलुङ देउराली, ठूलाडिही, फापरथुम, बहाकोट, ओरष्टे, पौवेगौडे लगायतका वडा सुन्तला उत्पादनका मुख्य पकेट क्षेत्र हुन। स्याङ्जाका ५ वटा नगरपालिका र ६ गाउँपालिका मध्ये ८-१० वडामा बाहेक सबै क्षेत्रमा सुन्तला खेती राम्रो हुन्छ।
सुन्तलाको बिरुवा रोपेको ५ देखि ७ वर्षभित्रमा फल दिने हुँदा सुन्तला खेतीप्रति यहाँका किसानको विशेष रुची छ। गतवर्षको तुलनामा यसबर्ष स्याङ्जामा २० प्रतिशत सुन्तला उत्पादनमा वृद्धि भएको सुन्तला सुपरजोनका अध्यक्ष बोधराज अर्यालको भनाई छ। ब्यापारी नआउँदा आफू जस्तै जिल्लाका धेरै किसानको चिन्ता बढेको उनको भनाइ छ। जिल्लामा २ हजार हेक्टर भन्दा बढी क्षेत्रफलमा सुन्तला खेती गरिदैआएको छ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


