गण्डकी प्रदेशमा संक्रमित १० हजार नाघे, आज थपिए एक सय ७५ जना संक्रमित ।

स्याङ्जा : गण्डकी प्रदेशमा कोरोना संक्रमितको संख्या १० हजार नाघेको छ । प्रदेशमा शुक्रबार १ सय ७२ संक्रमित थपिएसँगै संक्रमित संख्या १० हजार ७५ पुगेको छ ।

कोरोना पुष्टि हुनेमा सबैभन्दा धेरै कास्कीका १ सय ७ जना छन्, गोरखामा ३५, तनहुँ र स्याङ्जामा ८, नवलपुरमा ७, पर्वतमा ५, बागलुङ र लमजुङमा १/१ संक्रमित थपिएको प्रदेश स्वास्थ्य निर्देशक विनोदविन्दु शर्माले जानकारी दिनुभयाे ।

गण्डकीका कुल संक्रमितमध्ये ४ हजार ९ सय ९९ जना निको भएका छन् । १ सय १८ जनाको मृत्यु भएको छ ।

कोरोनाबाट मृत्यु हुनेमा कास्कीका ५५, नवलपुरका १९, तनहुँका १५, स्याङ्जाका १०, गोरखाका ८, बागलुङका ८, म्याग्दीका २, पर्वत र लमजुङका १/१ जना छन् ।

Facebook Comments Box