चापाकोटमा १० दिने नेतृत्व बिकास तथा उद्घोषण तालिम शुरु ।

माधव भट्टराई / चापाकोट :
चापाकोट नगरपालिका १० बारीकुनामा आईतवारबाट १० दिने नेतृत्व बिकास तथा उद्घोषण तालिम शुरु भएको छ । कुवाकोट आमा समुहले आयोजना गरेको तालिमको उद्घाटन गर्दै चापाकोट नगरपालिका नगर प्रमुख शिव कुमार गिरीले तालिमले सहभागीलाई नेतृत्व लिन सक्षम बनाउनेमा विश्वास व्यक्त गर्नु भयो ।
कुवाकोट आमा समुहका अध्यक्ष सरस्वती मल्लको अध्यक्षता सम्पन्न भएको कार्यक्रममा स्वागत नेत्र कुमारी सेन र सञ्चालन सुमी रानाले गर्नु भएको थियो । ५० जनाको सहभागिता रहेको तालिममा माधव भटराइ ,खगेन्द्र भण्डारी ,विश्व भटराइ ,जीबन डोटेल, दिबस भण्डारी लगाएत ले सहजीकरण गर्नु हुने छ ।
यसैवीच चापाकोट नगरपालिकाले वडा अध्यक्ष तथा वडा सचिवको क्षमता बिकासका लागि ३ दिने कार्यक्रम शुरु गरेको छ । कार्यक्रममा चापाकोट नगर प्रमुख शिव कुमार गिरिले सबैको क्षमता बिकास भएमा मात्रै काम गर्न सहजता आउने बताउनुभयो । कार्यक्रममा चापाकोट नगरपालिका प्रमुख प्रसाशकीय अधिकृत मोहन कुमार श्रेष्ठ, सूचना अधिकृत बिन्दु कोइराला, जीबन डोटेल लगायतले बोलेका थिए । कार्यक्रममा दश वटै वडाका अध्यक्ष तथा सचिवहरुको सहभागिता रहेको छ ।

Facebook Comments Box