लकडाउनको सदुपयोग गर्दै वालिङमा सञ्चालित सास्कृतीक पाठशालामा गरियो ‘श्राद्ध’ को अभ्यास ।

वालिङ :
धर्म,संस्कार र संस्कृतिको संरक्षण गर्ने उद्देश्यले वालिङमा सञ्चालित सांस्कृतीक पाठशाला अन्तरगत ‘श्राद्ध’ सस्कारको कर्म अभ्यास गरिएको छ ।
वालिङ नगरपालिका वडा नम्वर ८ मा सञ्चालित पाठशालामा आगामी हप्ता शुरु हुन लागेको सोह्रश्राद्ध अर्थात पितृ कार्यलाई ध्यानमा राख्दै कर्माभ्यास गराईएको हो ।
कोभिड १९ का कारण बन्दाबन्दी शुरु भए पछि फुर्सदको समयको सही सदुपयोग पनि हुने र धर्मसंस्कारको संरक्षण पनि हुने भन्दै पाठशाला सञ्चालन गरिएको स्थानीय युवा प्रकाश अर्यालले बताउनु भयो । गाँउका प्रतिष्ठित शिक्षकहरु, सफल ब्यवशायी तथा अन्य पेशाका जागरुक युवाहरुको रुचि र पाठशाला शुरु गरिएको उहाँले जानकारी दिनुभयो ।
गत जेठ ११ गतेबाट शुरु भएको पाठशालामा हिन्दु धर्म अन्तरगतका बिभिन्न संस्कारका बारेमा प्रशिक्षण सञ्चालन भईरहेको छ । पाठशालामा वेद पाठ, अग्निस्थापना, श्राद्ध पद्धती लगायतकोे अध्ययन भईरहेको स्थानीय युवा हरि अर्यालको भनाई छ ।
प्रशिक्षार्थीहरु नै कर्ता र यजमान भई श्राद्ध पद्धती अनुशार अभ्यास गर्न पाउँदा सहि शास्त्रीय बिधिको ज्ञान प्राप्त भएको प्रशिक्षार्थी त्रिबिक्रम अर्यालले बताउनु भयो ।
भिमटारी सामुदायिक सिकाई केन्द्रको आयोजना तथा मोहिनी शरण स्मृती प्रतिष्ठानको सह आयोजनामा पाठशाला सञ्चालन भईरहेको हो । सस्थाकै उद्देश्य बमोजिमको काम भई रहेको दुबै सस्थाका अध्यक्षहरु नेत्र नारायाण रेग्मी र धु्रवराज उपाध्यायले बताए ।
धर्म संस्कारको संरक्षण गर्दै सिकाई कार्य गरिने उक्त अभियानका लागि नगरपालिका तथा अन्य निकायबाट साथ भएमा नियमित रुपमा गुरुकुल सञ्चालन गर्न सकिने स्थानीयको भनाई छ । पाठशालामा १८ देखि ५० बर्ष उमेर समुहका व्यक्तिहरुको सहभागिता रहेको छ ।
पाठशालाका गुरु ध्रुवराज उपाध्यायको सुपरिवेक्षणमा प्रशिक्षण कार्यक्रम सञ्चालन भईरहेको छ ।

.

सेरोफेरो

थप सामाग्री

गल्याङमा कृषि बजार केन्द्र शुभारम्भ

विद्यालयमै केरा खेती : उद्यमी बन्दै विद्यार्थी

पर्यटकको रोजाइमा म्हाजु भन्ज्याङ

समाचार

थप सामाग्री

• 

  फेदीखोलामा मौरीपालन विस्तार, किसान आत्मनिर्भरतामा

• 

  पर्यटकको रोजाइमा म्हाजु भन्ज्याङ

• 

  विद्यालयमा प्राथमिक उपचार कक्ष स्थापना

• 

  पोखराकाे जिएमसीमा पित्त नलीको ढुंगा निकाल्ने ‘इआरसीपी’ सेवा सुरु, ग्यास्ट्रो उपचार आधुनिक बन्दै

• 

  पूर्वाधार अभावले सुनसान बन्दै पञ्चासे भञ्ज्याङ

उत्कृष्ट मावि सम्मानबाट वालिङकाे आदर्श मावि सम्मानित

२ महिना अगाडि

काठमाडौं : स्याङ्जाको वालिङ–८, भीमटारीस्थित श्री नेपाल आदर्श माध्यमिक विद्यालय राष्ट्रिय स्तरको “उत्कृष्ट माध्यमिक विद्यालय सम्मान–२०८३” बाट सम्मानित भएको छ।…

वालिङको पायोनिअर बन्यो गण्डकीकै उत्कृष्ट

२ महिना अगाडि

मुनालको ‘बतासे प्रेम’ मुक्तकसङ्ग्रह लोकार्पण

२ महिना अगाडि

२०८२ राजनीतिक ‘सुनामी’को वर्ष

२ महिना अगाडि