गल्याङमा आगलागी हुँदा तिन घर दुइ गोठ जलेर पुर्णरुपमा नष्ट

नारायण विश्वकर्मा / गल्याङ

स्याङ्जाको गल्याङ नगरपालिका ९ मनहरीमा एक्कासी आगोलागी हुँदा तिन घर र दुइ गोठ जलेर पुर्णरुपमा नष्ट भएको छ ।

मंगलबार साँझ स्थानीय गोपाल प्रसाद खनालको घर, गोठ, काठपात जलेर पुर्णरुपमा नष्ट भएको छ भने दुइ ओटा भैंसी घाईते भएको गल्याङ प्रहरी चौकीले जनाएको छ । खनालको एक लाख ६५ हजार बराबरको क्षती भएको छ ।

प्रहरीका अनुसार अर्का स्थानीय शालिकराम खनालको पनि घर, गोठ र काठपात पुर्णरुपमा जलेर नष्ट भएको छ । उनको पाँच लाख बराबरको क्षती भएको छ ।

त्यस्तै अर्का स्थानीय मोहन ढकालको घर जलेर पुर्ण रुपमा जलेर नष्ट भएको छ । उनको दुइ लाख ५० हजार बराबरको क्षती भएको छ ।

गोठ नजिकै रहेको परालको टौवाबाट आगोलागी भएको स्थानीयको भनाई छ ।

आगो कस्ले र किन लगायो भन्ने खुल्न सकेको छैन । स्थानीयले समयमै आगोलाई नियन्त्रणमा लिएकाले थप क्षती र मानविय क्षती हुन पाएन । हावाहुरीका कारण गोठमा सल्काएको आगो टौवामा लागेको हुन सक्ने प्रहरीको आसंका छ । यस सन्दर्भमा थप अनुसन्धान भैरहेको प्रहरीको भनाई छ ।

Facebook Comments Box