स्थानीय तह र मानव अधिकार विषयक अभिमुखीकरण ।
तोलाकान्त बगाले / वालिङ :
स्थानीय तह र मानव अधिकार विषयक अभिमुखीकरण कार्यक्रम सोमबार वालिङ नगरपालिकामा गरिएको छ ।
राष्ट्रिय मानव अधिकार आयोगको आयोजना र ईन्सेक पोखराको समन्वयमा वालिङ नगरपालिकाको सभाहलमा अभिमुखीकरण कार्यक्रम गरिएको हो ।
अभिमुखीकरणका कार्यक्रममा बोल्दै वालिङ नगर प्रमुख दिलिपप्रताप खाँणले वालिङ नगरपालिका मानव अधिकारको रक्षा र सुशासनका क्षेत्रमा सचेत भएर लाग्ने विचार ब्यक्त गर्नुभयो । उहाँले मानव अधिकार मानव सभ्यतासँग जोडिएको विषय भएको बताउँदै हरेक तह र तप्काबाट मानवअधिकार तथा सुशासन कायम गर्ने गराउने कार्यमा लाग्न पनि आग्रह गर्नुभयो ।
वालिङ नगरपालिकाले सरकार कमभन्दा कम र नागरिककको सहभागिता एवं क्रियाशिलता बढीभन्दा बढी बनाउने गरी योजनाहरु बनाईरहेको बताउँदै नगर प्रमुख खाँणले भन्नुभयो, “यस अभियानमा नगरपालिकालाई हरेक ठाउँबाट आवश्यक सल्लाह, सुझावहरु दिन पनि म नगरबासीहरुलाई अनुरोध गर्दछु ।”

वालिङ नगरपालिका नगरवासीको ईच्छा र चाहना अनुसारको विकास निर्माण गर्न प्रतिबद्ध रहेको बताउनुभयो । कार्यक्रममा नगर उपप्रमुख कल्पना तिवारीले जबसम्म एकले अर्कोलाई सम्मान गर्ने वातावरणको सिर्जना हुँदैन तवसम्म आँफू पनि सम्मानित हुन नसक्ने भएकाले हाम्रो आनीवानीमा परिवर्तन गर्नु आवश्यक रहेको बताउनुभयो ।
कार्यक्रममा प्रमुख प्रशासकीय अधिकृत गुरुदत्त सुबेदीले सरकारको ऐन कानूनहरुको कार्यान्वयनमा समस्या देखिएकाले सबै पक्षले आफ्नो कर्तब्य र दायित्वलाई सँगसँगै अगाडि बढाउनुपर्नेमा जोड दिनुभयो ।
कार्यक्रममा वडा नंं १४ का अध्यक्ष झम्मरबहादुर श्रेष्ठ, रणबीर जनहित माविका विद्यालय ब्यवस्थापन समितिका अध्यक्ष जीवलाल काफ्ले, सरस्वती माध्यमिक विद्यालयका प्रधानाध्यापक यामबहादुर कुँवर लगायतले आ–आफ्नो मन्तब्य राख्नुभएको थियो ।
वालिङ नगर प्रमुख दिलिपप्रताप खाँणको अध्यक्षतामा सम्पन्न कार्यक्रमको सञ्चालन शिक्षा शाखाका बाबुराम सापकोटाले गर्नुभएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


