प्रहरी युवकले नै गरे बालविवाह, ६ जनामाथि मुद्दा
स्याङ्जा : प्रहरी पेशामा आवद्ध स्याङ्जा आँधीखोलाका २४ वर्षीय युवक बालविवाहको आरोपमा पक्राउ परेका छन् ।
आँधीखोला गाउँपालिका–१ का नारायण तिवारीले १७ वर्षीया बालिकासँग विवाह गरेको उजुरी परेपछि प्रहरीले उनलाई पक्राउ गरेको हो । सोमबार प्रहरीले तिवारीलाई पक्राउ गरी हिरासतमा राखेको छ ।
प्रहरीका अनुसार तिवारीले आँधीखोला–३ १७ वर्षीया बालिकासँग विवाह गरेका थिए । स्थानीयहरुका अनुसार प्लस टू अध्ययनरत केटीका आफन्तले नै बिहेको ११ औं दिनमा उजुरी दिएपछि प्रहरीले युवकलाई पक्राउ गरेको हो ।
प्रहरीले बेहुला, बेहुलीसहित दुबैतर्फका आमा, बाबुलाई नियन्त्रणमा लिएर मुद्दा चलाएको छ । अहिले उनीहरु ६ जना नै प्रहरी हिरासतमा छन् । दुबैको प्रेम सम्बन्धपछि पारिवारिक सहमतिमै सीमित व्यक्तिको रोहवरमा विवाह सम्पन्न भएको थियो । तर कोरोनाका कारण जारी लकडाउनका बेला धेरैले चाल नै पाएनन् ।
तिवारीसहित आरोपितहरुमाथि थप छानविन गरिरहेको प्रहरी नायब उपरीक्षक राजेन्द्रप्रसाद अधिकारीले जनाए । यससँगै बालविवाहका आरोपित तिवारी जागिरबाट निलम्बनमा परेका छन् । विवाह गर्न कानूनी रुपमा कम्तिमा २० वर्ष हुनुपर्ने प्रावधान छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


