नगद सहयोग गर्दै स्याङ्जाका कर्मचारीहरुले भने,’जुनसुकै परिस्थितमा पनि काममा खट्न तयार छौं’।
आँधीखोला खबर/स्याङ्जा :
कोरोनाको त्रासका बिच जनताको सेवा गरी रहेका स्याङ्जाका कर्मचारीहरुले कोरोनाको रोकथाम, नियन्त्रण तथा प्रकोप व्यवस्थापनका लागि नगद सहयोग गरेकाछन् । कर्मचारी मिलन केन्द्रमा आवद्ध जिल्लाका कर्मचारीहरुले जिल्ला विपद व्यवस्थापन कोषमा नगद रु २५ हजार सहयोग गरेका हुन् । कर्मचारीहरुको तर्फबाट सहयोग ग्रहण गर्दै कोषका अध्यक्ष एवं प्रमुख जिल्ला अधिकारी राम बहादुर कुरुम्बाङले लकडाउन र कोरोनाको त्रासको प्रवाह नगरी जनतालाई सेवा प्रदान गरेको भन्दै कर्मचारीहरुको प्रशंशा गर्नु भयो । उहाँले श्रमसँगै नगद समेत सहयोग गरेको भन्दै कर्मचारी मिलन केन्द्रलाई धन्यवाद समेत दिनुभयो ।
कर्मचारी मिलन केन्द्रका तर्फबाट अध्यक्ष कोमल राज काफ्ले, सहायक प्रमुख जिल्ला अधिकारी ध्रुव गिरी, केन्द्रका सल्लाहकार कुमार बुढाथोकी, सचिव उज्वल बहादुर बस्नेत लगायतले नगद हस्तान्तरण गर्नु भएको हो ।
कर्मचारी मिलन केन्द्रको आजको बैठकले जुनसुकै परिस्थितीमा पनि काममा खट्ने तथा सहयोग गर्ने निर्णय समेत गरेको मिलन केन्द्रका सचिव उज्वल बहादुर बस्नेतले जानकारी दिनुभयो ।
मिलन केन्द्र जिल्लाभरका कर्मचारीहरु साझा संस्था हो ।
.

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


