गण्डकी प्रदेशका मुख्यमन्त्रीद्वारा स्याङ्जाका क्वारेन्टीन र आइसोलेशन अवलोकन

स्याङजा : गण्डकी प्रदेशका मुख्यमन्त्री पृथ्वीसुव्वा गुरुङ्द्वारा कोरोनाको सम्भावित खतरालाई मध्येनजर गर्दै जिल्लामा निर्माण गरेका क्वारेन्टीन तथा आइसोलेशनको अवलोकन गरेका छन् ।

मुख्य मन्त्री गुरुङले जिल्लाका फेदीखोला, पुतलीबजार, भीरकोट, वालिङ र गल्याङ नगरपालिका मा व्यवस्था गरिएको क्वारेन्टीन र आइसोलेशनको अवलोकन तथा सम्भावित खतराका बेला संयमित भएर माहामारी विरुद्ध लडन स्थानीय तहहरुलाई निर्देशन दिएका छन् ।

सोही अवसरमा मुख्यमन्त्रीले प्रदेशको सिमा राम्दी नाकाको पनि अनुगमन गरेका छन् । सिमामा व्यवस्था गरेको बिपत ब्याबस्थापन पोष्टमा खटिएका स्वास्थ्यकर्मी र सुरक्षाकर्मीलाई विषम परिस्थितीमा जिम्मेवार भएर आफूले पाएको जिम्मेवारी कुशलतापूर्वक निभाउन निर्देशन गरेका थिए ।

अवलोकनमा जिल्लाका स्थानीय तहका प्रमुखहरु र प्रमुख जिल्ला अधिकारी संघ जिल्लाको वर्तमान अवस्था र रोग नियन्त्रणका लागि जिल्लाले खेलेको भूमिकाका विषयमा जानकारी लिएका थिए ।

Facebook Comments Box