अस्पतालबाटै शिशु अपहरण गर्ने स्याङ्जाकी महिलालाई ५ वर्ष जेल सजाएँकाे फैसला !
पाल्पा: तानसेनको लुम्बिनी मेडिकल कलेजबाट नवजात शिशु अपहरण गरेर फरार भएकी महिलालाई ५ वर्ष जेल सजाएँ हुने भएको छ । गल्याङ नगरपालिका ५ की ३६ वर्षीया बिमकला पाण्डेलाई बालकलाई बन्धक बनाएको ठहर सहित जिल्ला अदालत पाल्पाले ५ बर्षको कैद फैसला सुनाएको छ ।
जिल्ला अदालत पाल्पाका न्यायधीश खड्क बहादुर केसीको एकल इजलाशले उक्त कैद सहित ५० हजार क्षतिपुर्ति र ५० हजार जरिवानाको फैसला सुनाएको अदालतका श्रेस्तेदार कृष्ण मुरारी सिग्देलले बताउनुभयो । गत असार २७ गते तानसेन स्थित लुम्बिनी मेडिकल कलेज प्रभासबाट नवजात शिशु अपहरण गरेको आरोपमा पाण्डेलाई प्रहरीले २८ गते गिरफ्तार गरेको थियो ।
लुम्बिनी मेडिकल कलेज प्रभास पाल्पामा तानसेन नगरपालिका ९ डाँडाडुमकी २२ वर्षीया जमुना रानाले असार २७ गते बिहान ११.५६ मा शिशु (छोरा) नर्मल रुपमा जन्माएकी थिइन् । सुत्केरी जमुनाको रेखदेख गर्न उहाँकी आमा पनि सँगै हुनुहुन्थ्यो ।
सुत्केरी जमुना अर्धचेत अवस्थामा रहेको अवस्थामा उनकी आमा छोरीलाई ज्वानोको झोल ल्याइदिन बच्चा काखमा राखेर मेडिकल कलेजकै क्यान्टिनमा गएकी थिइन् । उनीसँगै बिमलाले पनि बच्चा काखमा लिएर सहयोगीको भूमिका निर्वाह गरेकी थिइन् ।
दिउँसो ३ बजेतिर ज्वानोको झोल जमुनाकी आमालाई लैजानुस् भनेर बिमकलाले बच्चा आफूले ल्याइदिने बताएकी थिइन् । तर, जमुनाकी आमा सुत्केरी छोरी भएको ठाउँमा पुग्दासमेत ती महिला बच्चा लिएर नपुगेपछि मात्र खोजी सुरु भएको थियो । जमुनाकी आमा सरासर ज्वानोको झोल लिएर छोरी भएको हस्पिटलको माथिल्लो तलातिर लागेकी थिइन् ।
बच्चा समातेकी बिमकला बच्चा सँगै लिएर सरासर मुल गेट बाट बाहिरिएर शिशुलाई अपरहण गरि उहाँले स्याङजाको मिर्मी पुरयाइन् । बिमकला कालीगण्डकी ए परियोजनामा सरसरफाई कर्मचारीको रुपमा कार्यरत भएकोले उनी कार्यालयकै क्वाटरमै बस्थिन ।
असार २७ गते साँझ उनले बच्चालाई लिएर क्वाटरमै पुगिन् । अस्पतालबाट बच्चा हराएको खवर सार्वजनिक भएपछि स्थानीयले उनको क्वाटरमा बच्चा रोइरहेको र उनी गर्भवती अवस्थामा पनि नरहेकोले उनले नै बच्चा अपहरण गरि ल्याएको हुन सक्ने भन्दै प्रहरीलाई खवर गरेका थिए । प्रहरीले असार २८ गते शिशुलाई सकुसल उद्धार गरी परिवारको जिम्मा लगाएको थियो । (इरानीमहल डटकमबाट)
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


