‘राजनीतिमा युवाको नयाँ उत्साह’ : आयुष रानाभाटको उम्मेदवारी

स्याङ्जा: नेपाली कांग्रेसको १५औँ महाधिवेशनको सरगर्मी बढिरहँदा स्याङ्जाको राजनीतिमा युवा पुस्ताको उपस्थिति झनै सशक्त बन्दै गएको छ। यसै क्रममा स्याङ्जा क्षेत्र नं. १, प्रदेशसभा (२) ‘ख’ बाट ३५ वर्षमुनिका युवाको बलियो प्रतिनिधित्व गर्दै आयुष रानाभाटले प्रदेश अधिवेशन प्रतिनिधि (युवा) पदमा आफ्नो उम्मेदवारी घोषणा गर्नुभएको छ।

युवा कांग्रेस स्याङ्जाका जिल्ला संयोजक समेत रहनुभएका रानाभाटले पार्टीको नीति, निर्माण र नेतृत्वमा युवा पुस्ताको सोच र ऊर्जालाई जोड्ने उद्देश्यका साथ उम्मेदवारी प्रस्तुत गर्नुभएको हो।

मौसमको प्रतिकूलता र अविरल वर्षाका कारण स्थगित भएको क्षेत्रीय अधिवेशन अब असोज १२ गतेसम्म उम्मेदवारी प्रक्रिया पूरा गरी असोज १३ गते निर्वाचन गर्ने तयारी छ। वडा र पालिका तह सम्पन्न भई क्षेत्रीय अधिवेशनको अन्तिम तयारी भइरहँदा, रानाभाटको उम्मेदवारीले युवा कार्यकर्तामाझ नयाँ आशा र उत्साह जगाएको छ।

Facebook Comments Box