वालिङमा टेलरको ठक्करबाट मोटरसाइकल चालकको मृत्यु
स्याङ्जा :
सिद्धार्थ राजमार्गअन्तर्गत स्याङ्जाको वालिङ नगरपालिका–८ मिर्दीस्थित पक्की पुलमा सोमबार साँझ भएको सवारी दुर्घटनामा परी एक जनाको दुःखद् निधन भएको छ।
मिर्दीबाट भकुण्डेतर्फ जाँदै गरेको से १ क ११८० नम्बरको टेलरले सोही दिशातर्फ गइरहेको ग १८ प ६२१६ नम्बरको मोटरसाइकललाई ठक्कर दिँदा मोटरसाइकल चालक वालिङ–६ आमडालीका ५५ वर्षीय बिनोद अर्यालको मृत्यु भएको हो।
उपचारका क्रममा अस्पतालमा निधन
साँझ करिब ५:३० बजे दुर्घटना भएको खबर प्राप्त हुनासाथ वडा प्रहरी कार्यालय वालिङबाट प्रहरी टोली तत्काल घटनास्थल पुगेको थियो।
दुर्घटनामा परी गम्भीर घाइते भएका अर्यालको हात, खुट्टा र छातीमा गम्भीर चोट लागेको थियो। उनलाई उद्धार गरी उपचारका लागि प्राथमिक स्वास्थ्य केन्द्र वालिङ ल्याइएकोमा साँझ ६:२५ बजे चिकित्सकले मृत घोषणा गरेका हुन्। मृतक अर्यालको शव अहिले सोही अस्पतालमा राखिएको छ।
टेलर र चालक प्रहरी नियन्त्रणमा
दुर्घटना गराउने टेलर र त्यसका चालक बैतडीको मेलौली नगरपालिका–२ बस्ने २४ वर्षीय निरज चन्दलाई प्रहरीले नियन्त्रणमा लिएको छ।
टेलर र चालक दुवैलाई वडा प्रहरी कार्यालय वालिङमा राखी घटनाबारे थप अनुसन्धान अगाडि बढाइएको प्रहरीले जनाएको छ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


