विद्यालयमा प्राथमिक उपचार कक्ष स्थापना

स्याङ्जा :

शिक्षा, स्वास्थ्य, खेलकुद, विपदका क्षेत्रमा सहयोगमा सक्रिय खुमा अर्याल फाउण्डेसन स्याङ्जाले प्राथमिक उपचार कक्ष स्थापना गरेको छ ।

फाउण्डेसनले पुतलीबजार नगरपालिका– १ मा रहेको त्रिभुवन आदर्श माविमा पहिलो पटक विद्यार्थी, शिक्षक तथा कर्मचारीको आकस्मिक स्वास्थ्य व्यवस्थापनलाई प्रभावकारी बनाउने उद्देश्यले फाउण्डेसनले प्राथमिक उपचार कक्ष स्थापना गरेको हो ।

फाउण्डेसनले पाँच वर्षमा जिल्लामा सबै विद्यालयमा प्राथमिक उपचार कक्ष स्थापना गर्ने लक्ष्य लिएको छ ।फाउण्डेसनले प्राथमिक उपचार सम्बन्धित सामग्री हस्तान्तरण गर्नुका साथै विद्यार्थीलाई प्राथमिक उपचार सम्बन्धी तालिम दिएको छ ।

गण्डकी मेडिकल कलेज इमर्जेन्सी विभाग प्रमुख डा. तरुण पौडेलले प्राथमिक उपचार सम्बन्धी प्रशिक्षण दिनु भएको हो । फाउण्डेसनले यसवर्ष स्याङ्जाका ११ पालिकाका स्थानीय सरकारले सिफारिस गरेका ५० माध्यमिक विद्यालयमा प्राथमिक उपचार कक्ष स्थापना गर्ने लक्ष्य लिएको र पाँच वर्षमा जिल्लाका सबै विद्यालयमा उपचार कक्ष स्थापना गर्ने फाउण्डेसनका अध्यक्ष लेखनाथ शर्माले जानकारी दिनुभयो ।

उहाँले उपचार कक्षको लागि आवश्यक प्राविधिक तथा औषधी फाउण्डेसनले उपलब्ध गराउने बताउनुभयो । उपचार केन्द्र चलाउन र औषधीको व्यवस्था गर्न एक विद्यालयमा वार्षिक ६५ हजार लाग्ने शर्माले बताउनुभयो ।

कार्यक्रममा पुतलीबजार नगर प्रमुख तुलसीराम रेग्मीले विद्यालयमा अत्यावश्यक कक्षको स्थापना भएको र यसकालागि नगरपालिकाले आवश्यक सहयोग गर्ने बताउनुभयो ।

सदरमुकाममा रहेको यस कार्यालयमात्र नभई नगरपालिकाका अन्य विद्यालयमा पनि पुगेर प्राथमिक उपचार कक्ष स्थापनाका लागि नगरपालिका सहकार्य गर्न तयार रहेको रेग्मीले बताउनुभयो ।

विद्यार्थीलाई लक्षित प्राथमिक सेवा अत्यन्तै उपयोगी हुने बताउँदै स्वास्थ्य र शिक्षाको प्राथमिक उपचार सेवाबाट कुनै पनि बालबालिका बञ्चित हुन नहुनेमा रेग्मीले जोड दिनुभयो ।

फाउण्डेसनले मुख्य गरेर खेलकुदमा ५७ लाख २९ हजार ६६५ रुपियाँ, वृद्धाश्रम र बालगृहमा सहयोग दुई लाख २५ हजार ७७१ रुपियाँ, शिक्षामा १२ लाख ४१ हजार तीनसय रुपियाँ, पोषणमा दुई लाख ५२ हजार चार रुपियाँ खर्च गरेको हो ।

२०७५ साल मङ्सिर ५ गते स्थापना भएको यस संस्थाले आब ०८२/८३ मा ९७ लाख ११ हजार ६६७ रुपियाँ सामाजिक क्षेत्रमा खर्च गरेको थियो ।

Facebook Comments Box

सेरोफेरो

थप सामाग्री

गल्याङमा कृषि बजार केन्द्र शुभारम्भ

विद्यालयमै केरा खेती : उद्यमी बन्दै विद्यार्थी

पर्यटकको रोजाइमा म्हाजु भन्ज्याङ

समाचार

थप सामाग्री
उत्कृष्ट मावि सम्मानबाट वालिङकाे आदर्श मावि सम्मानित
२ महिना अगाडि

काठमाडौं : स्याङ्जाको वालिङ–८, भीमटारीस्थित श्री नेपाल आदर्श माध्यमिक विद्यालय राष्ट्रिय स्तरको “उत्कृष्ट माध्यमिक विद्यालय सम्मान–२०८३” बाट सम्मानित भएको छ।…

वालिङको पायोनिअर बन्यो गण्डकीकै उत्कृष्ट
२ महिना अगाडि
मुनालको ‘बतासे प्रेम’ मुक्तकसङ्ग्रह लोकार्पण
२ महिना अगाडि
२०८२ राजनीतिक ‘सुनामी’को वर्ष
२ महिना अगाडि

Recent Posts

TOP