प्रधानमन्त्री बालेनलाई स्याङ्जा–२ का सांसद झविलालले कुन-कुन विषयमा गराए ध्यानाकर्षण !
काठमाडौं :
राष्ट्रिय स्वतन्त्र पार्टी (रास्वपा) का सांसद झविलाल डुम्रेले सिद्धार्थ राजमार्गको स्तरोन्नतीको विषयलाई प्रधानमन्त्री बालेन्द्र शाह (बालेन) सँग राखेका छन् ।
प्रधानमन्त्री बालेन्द्र शाहले गण्डकीबाट प्रतिनिधि सभामा निर्वाचित सांसदहरूसँग छलफल गर्दा शुक्रबार डुम्रेले भैरहवा–पोखरा सडक खण्डको स्तरोन्नतीको विषय राखेका हुन् । राजमार्गको स्तरोन्नती बारम्बार बजेट भाषणमै सीमित हुँदा कार्यान्वयन हुन नसकेको बताए ।
सिद्धार्थ राजमार्गको स्तरोन्नति हुँदा स्याङ्जा, पाल्पा, रुपन्देही, कपिलवस्तु र कास्की जिल्लाको आर्थिक विकास र पर्यटन प्रवर्द्धनमा योगदान पर्याउने जानकारी गराए ।
स्याङ्जा क्षेत्र नं २ नागरिक मध्यम र जटिल खालको उपचारका लागि पाल्पा र पोखरा जानुपर्ने वाध्यता बारे प्रधानमन्त्री बालेनलाई जानकारी गराए ।
वालिङमा रहेको स्वास्थ्य चौकिमा थप जनशक्ति नियुक्ति गर्नुपर्ने, स्वास्थ्य चौकीको भौतिक संरचना सुधार गरी उपचार सुविधा दिगो बनाउनु पर्नेप्रति प्रधानमन्त्रीको ध्यानाकर्षण गराए ।
पहाडी जिल्लामा बादर नियन्त्रणका लागि दीर्घकालीन योजनाप्रति प्रधानमन्त्रीको तदरुकताका लागि आग्रह गरे । उत्पादित फलफूलका लागि शित भण्डार आवश्यक रहेको उनले सुनाए ।
आधिखोला हाईड्यामको विषयमा अस्पष्टता रहेको हुँदा जनतालाई यस परियोजनाबारे स्पष्ट पार्न आवश्यक रहेको प्रधानमन्त्रीलाई जानकारी गराए ।
स्याङ्जा–२ स्वरेकमा रहेको नेपालको पहिलो प्याराग्लाइडिङ स्कूलको संरक्षण र प्रवर्द्धनको आवश्यकता बारे प्रधानमन्त्रीलाई जानकारी गराए । स्याङ्जा–ं २ को विकासका लागि भौतिक पूर्वाधार, स्वास्थ्य, कृषि, नदी संरक्षण, पर्यटन र शिक्षा सुधारमा ठोस पहल आवश्यक रहेको र त्यसप्रति प्रधानमन्त्रीको ध्यानाकर्षण गराए ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


