नेपाली काँग्रेस स्याङ्जा १ को समिक्षा कार्यक्रम सम्पन्न
वालिङ :
नेपाली कांग्रेस स्याङ्जा क्षेत्र नं. १ ले प्रतिनिधिसभा निर्वाचन बारे समिक्षा कार्यक्रम सम्पन्न गरेको छ । फागुन २१ गते सम्पन्न निर्वाचनमा स्याङ्जामा भएको निर्वाचन, मतपरिणाम र अन्य सरोकारका बिषयमा छलफल एवं अन्र्तक्रिया भएको थियो । पुतलीबजार नगरपालिका १ स्थित पार्टी कार्यालयमा आयोजित समिक्षा कार्यक्रममा बोल्दै नेपाली कांग्रेस गण्डकी प्रदेशका उपसभापति एवं पूर्वमन्त्री मेखलाल श्रेष्ठले हालै सम्पन्न निर्वाचनबाट पाठ सिकेर अघि बढ्नुपर्नेमा जोड दिनुभयो । अनुकुल वातावरणमा पनि वर्तमान निर्वाचनको मतपरिणाममा नेपाली कांग्रेसको स्थान दोश्रो हुन पुगेको जनाउदै कांग्रेसीजनलाई कत्ति पनि बिचलित नभई आफनो आदर्श र बिचारलाई आत्मसम्मान गर्दै अघि बढ्न सुझाव दिनुभयो ।
कार्यक्रममा जिल्ला सभापति एवं संबिधानसभा सदस्य राजु थापा, क्षेत्र नं. १ का उम्मेदवार भरतराज ढकाल, पुतलीबजार नगरसभापति सुरजकुमार अधिकारी, वालिङ नगरसभापति नेत्रप्रसाद पाण्डे, भीरकोट नगर सभापति यामप्रसाद अधिकारी, फेदिखोला गाउँपालिकाका सभापति महेन्द्र केसी, आँधीखोला गाउपालिकाका सभापति नरेन्द्रप्रसाद पौडेल लगायतले निर्वाचन बारे जानकारी गराउनुभएको थियो । क्षेत्रीय सभापति तुलसीराम रेग्मीको सभापतित्वमा सम्पन्न कार्यक्रममा उपसभापति केशरवहादु खाँण ध्रुवले स्वागत र सचिव मनोज मल्लले संचालन गर्नुभएको थियो ।
Facebook Comments Box
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


