अर्थ र कृषि बिज्ञता नीतिमा रुपान्तरण गर्ने अभियानमा उम्मेदवार ढकाल

भवानी अधिकारी /स्याङ्जा :

सहकारी, बैंकिङ तथा कृषि क्षेत्रमा आफुलाई स्थापित गरिसकेका भरतराज ढकाल यसपटक संघीय सांसद बन्ने दौडमा छन् । फागुन २१ को प्रतिनिधिसभा सदस्यमा नेपाली कांग्रेसतर्फका स्याङ्जा क्षेत्र नं. १ का एक सशक्त उम्मेदवार ।

स्याङ्जाको आँधीखोला गाउँपालिकाको ६ फापरथुम स्थित एक सामान्य किसान परिवारमा जन्मेका ढकालसंग आज अर्थ तथा कृषि सम्बन्धी राम्रो बिज्ञता छ । लामो अनुभव छ । तिता मिठा विगत पनि छन् । सामाजिक सेवाभाव छ ।

सयौंलाई रोजगार दिएका छन् । अनाथ बालबालिकाको संरक्षक बनेर सहारा नेपाल संचालन गरे । मुठीदान संकलन गरेर र महायज्ञ गरेर अनाथ बालबालिकाको लालनपालन गरे । मानवअधिकारकर्मी र पत्रकार पनि हुन उनी । सबै मानवका अधिकार हनन् हुनुह्दैन सबैका समान हक हुनुपर्छ भन्ने उनी मानवअधिकार तथा शान्ति समाज स्याङ्जाका संस्थापक सभापति एवं पत्रकार महासंघ स्याङ्जाका संस्थापक सदस्य पनि हुन ।

वि.सं. २०५६ मा स्याङ्जा सदरमुकाममा रोयल सहकारी संस्था स्थापना भयोे । जसमा उनी प्रबन्धक बने । ब्यवसायि बनाउन सहकारीमार्फत स्याङ्जाका गाउँ–गाउँमा लघुवित्त कार्यक्रम संचालन गरिए । जसबाट धेरै महिला लाभान्वित भए । आयआर्जनमा जोडिए । कर्जा लगानी, ब्यवसाय संचालन र थोरै थोरै बचतले उनीहरुका देैनिकीमा परिवर्तन देखियो । शिक्षा, स्वास्थ्य र चेतनाको विकास भयो । जसका कारण आज धेरैको जीवनयापन सहज बनेको छ ।

सहकारीको जिम्मेवारीले ढकाललाई अझ उत्प्रेरित बनायो । बित्तिय क्षेत्रको दायरा फराकिलो बनाउनु पर्छ भन्ने सोचका साथ उनले ८ बर्षपछि स्याङ्जामै पहिलो बैंक खोले र आज सयौंलाई रोजगार दिलाउन सफल भए । एक करोड ३० लाख पुजी संकलन गरेर मुक्तिनाथ विकास बैंक संचालन गरे । बैंकको उनी संस्थापक कार्यकारी अधिकृत भए । आज सोही बैंकले राज्यलाई बार्षिक ७० करोड भन्दा धेरै कर तिर्दै आएको छ ।

“जनता बैंकमा होइन, बैंक जनतामा जानुपर्छ ।” भन्ने भनाईलाई आत्मसाथ गर्दे घरघरमा बैंकको पहुँच बढाए । उनको बैंकिङ दर्शन सरल थियोः “जनता बैंकमा होइन, बैंक जनतामा जानुपर्छ।” कर्मचारीसहित घर–घर पुगेर लघुवित्त समूह बनाए, विपन्न परिवारलाई सहज सेवा दिए, महिलालाई व्यावसायिक तालिम र वित्तीय साक्षरता अभियान चलाए । जुन कार्यले बैंक राष्ट्रिय स्तरको अब्बल बैंक बन्न सफल बन्यो । महिला उद्यमशीलतामा योगदानका लागि युरोपियन माइक्रोफाइनान्स अवार्डसहित दर्जनौं राष्ट्रिय–अन्तर्राष्ट्रिय पुरस्कार प्राप्त भयो ।

आज मुक्तिनाथ विकास बैंकले देशभरका १५ लाखभन्दा बढी ग्राहकलाई सेवा दिइरहेको छ, हजारौंलाई रोजगारी र उद्यमीलाई वित्तीय–गैरवित्तीय सहयोग पु¥याइरहेको छ । बैंकको हाल ८ अर्ब पुँजी र रु. १३६ अर्ब वासलातमा पुग्नु ढकालको कुशल नेतृत्व र सुशासनको परिणाम हो ।

उनी मुक्तिनाथ विकास बैंकको अध्यक्ष पनि भए । मुक्तिनाथ कृषि कम्पनी स्थापना गरे । त्यसको पनि अध्यक्ष थिए उनी । लाखौं रुपैंया मासिक तलब, उत्तिकै सेवा सुबिधा पनि । ती सेवा सुबिधा त्यागगरी ढकालले स्याङ्जाको विकासका निम्ति राजनीतिमा होमिए । र, क्षेत्रको प्रतिनिधित्व गर्दै प्रतिनिधिसभा सदस्यमा उम्मेदवार बन्न सफल भए ।

कृषि बिना समृद्धी सम्भव हुदैन भन्ने मान्यता पत्ता लगाए । किसानकालागि वाधक कानून पहिचान गरे । र, अहिले नीति निर्माण गर्ने थलोमा पुग्ने अभ्यासमा आफुलाई उभ्याए ।

उनले भने, ‘ नेपालमा ३२ वटा कृषि नीति र २० वटा ऐन छन्, तर किसान सधैँ रोइरहेका छन । यो समस्याको समाधान कागजमा होइन, नीति निर्माण गर्ने थलो (संसद) मा पुगेर मात्र हुनेछ । उत्पादनको थलो र बजारको धरातल बुझेको व्यक्ति पुगेपछि मात्र सम्भव छ !’

उम्मेदवार ढकालले कृषि, अर्थ, बैंकिङ क्षेत्रको अनुभवी सोच बोकेर कृषि अर्थतन्त्रको सुधारलाई मुख्य लक्ष्य बनाएका छन् । स्नातकोत्तरसम्मको अध्ययन, अर्थ र कृषि सम्बन्धी धेरै ज्ञानलाई अब संसदमा प्रयोग गर्ने तयारीमा छन ।

विस २०४७ सालमा नेपाल बिद्यार्थी संघबाट राजनीति सुरु गरेका ढकाल २०४६÷०४७ को जनआन्दोलनमा पृथ्वीनारायण क्याम्पसमा भएको बिद्यार्थी आन्दोलनका घाईते पनि हुन । नेपाली कांग्रेसको बित्तिय तथा सहकारी बिभागको केन्द्रिय सदस्य भै कामगरेको अनुभव पनि छ उनीसंग ।

कुशल योजनाकार, शालिन ब्यक्तित्व, सयौं युवाका रोजगारदाता उम्मेदवार ढकालले बिशेषत ः सुन्तला, कफी, लगायत अर्गानिक कृषि उपजहरु उत्पादनको उर्वरभूमि रहेको क्षेत्रलाई कृषि औधोगिक ग्रामको रुपमा स्थापितगरी रोजगारी तथा स्वरोजगारी सिर्जना गर्दे देशविदेशमा निर्यातगरी आर्थिक सामाजिक रुपान्तरणको सन्देश दिने उनका संकल्प छन् ।

स्याङ्जाको पहिचान सिद्धार्थ राजमार्ग बिस्तार र आँधीखोलाको जलउपयोग पहिलो प्राथमिकतामा रहेको उम्मेदवार ढकालको भनाई छ । उम्मेदवार ढकालले अल्पकालीन, मध्यकालीन र दीर्घकालीन भिजन टेन (दश संकल्प) अघि सारेका छन् । यसैगरी, सम्मानित भएर बाँच्न पाउने अधिकार, सपना देख्न सक्ने नेपाल, सम्पति र रोजगारी सृजनालाई प्रोत्साहन गर्ने नेपाल, पेटभरी खुवाउने, देशलाई चिनाउने किसानको नेपाल, आखती र ओत दिने नेपाल, छोराछोरी पढाउन आर्थिक भर नपर्ने नेपाल, बेथिति र हैरानीमुक्त बिधिको शासन भएको नेपाल, मौलिकतामा गर्व गर्ने आधुनिक नेपाल, विश्वले सम्मान गर्ने स्वाभिमानी नेपाल र सम्मुन्नतीमा लम्कने नेपाल जस्ता प्रतिबद्धतापत्रमा प्रस्तुत गरिएका सिद्धान्त, नीति र आगामी ५ बर्षे कार्यक्रम हुन ।

त्यसो त, मतदाता पनि बदलिएको कांग्रेस र नयाँ उम्मेदवार पाएपछि खुशी देखिएका छन् । दृढ संकल्पित, सफल ब्यक्तित्वका कारण क्षेत्र नं. १ का उम्मेदवार ढकाल एक बलियो पात्र बनेका छन् । कृषि र अर्थ सम्बन्धमा दुरदृष्टि राख्ने, परिकल्पना र कार्यान्वयनमा सफल र सक्षम देखिएका कारण ढकाललाई एक पटक अवसर दिने आम मतदाताको भनाई छ ।

दुई निर्वाचन क्षेत्र रहेको स्याङ्जामा यस निर्वाचनमा कुल २ लाख ४८ हजार ८ सय १६ मतदाता छन् । पुरुष मतदाता १ लाख २२ हजार ४ सय ६४ र महिला मतदाता १ लाख २६ हजार ३ सय ५१ रहेका छन् । साथै अन्य समूहका एक जना मतदाता छन् । निर्वाचन क्षेत्र नं. १ मा १ लाख ३० हजार ८ सय ८६ र क्षेत्र नं. २ मा १ लाख १७ हजार ९ सय ३० मतदाता छन् ।

 

 

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
२ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
२ हप्ता अगाडि
हल गोरु पाल्ने कृषकलाई पाँच हजार
२ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP