एमालेबाट निर्वाचित वडा सदस्य सहित सक्रिय कार्यकता कांग्रेसमा प्रवेश
स्याङ्जा :
चापाकोट नगरपालिका वडा नं १ मा नेकपा एमाले परित्याग गरी निर्वाचित वडा सदस्य सहित नेता तथा कार्यकर्ता नेपाली काँग्रेसमा प्रवेश गरेका छन् । आइतबार एक कार्यक्रमका बीच पार्टी प्रवेश गरेका हुन् ।
नेपाली काँग्रेसमा प्रवेश गर्नेहरूमा नेकपा एमालेबाट निर्वाचित वडा सदस्य सन्तोष थापा, एमाले तर्फबाट वडा सदस्यका उम्मेदवार बाबुराम तिवारी, २०४८ सालदेखि नेकपा एमालेमा आबद्ध रहँदै आएका एकदेव तिवारी रहेका छन् । साथै युवाहरू कृष्णबहादुर आले, सन्तोष राना, हरिबहादुर बराल लगायत अन्य धेरै युवा पनि काँग्रेसमा आबद्ध भएका छन् ।
नेविसंघका पूर्व सभापति धनराज पौडेलले दिएको जानकारी अनुसार लोकतान्त्रिक मूल्य, विचार र जनताको सेवाको भावना अनुरूप काम गर्न सकिने विश्वासका साथ उनीहरूले नेपाली काँग्रेस रोजेका हुन् ।
उक्त प्रवेश कार्यक्रममा नेपाली काँग्रेस क्षेत्र नं २ का उम्मेदवार भागवत प्रकाश मल्ल, गण्डकी प्रदेश सभा सदस्य महेस भट्टराई, केदार काफ्ले लगायत काँग्रेसका नेताहरूले नव प्रवेशीहरूलाई पार्टीमा स्वागत गर्नुभएको थियो ।
कार्यक्रममा सहभागी नेताहरूले सबैलाई एकताबद्ध भएर लोकतन्त्रको रक्षा, सुशासन र चापाकोटको समग्र विकासका लागि सक्रिय भूमिका निर्वाह गर्न आग्रह गर्नुभएको थियो ।


समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


