स्याङ्जा-२ : जय मातृभूमिका थापाद्वारा कांग्रेसका मल्ललाई समर्थन
स्याङ्जा :
जय मातृभूमि पार्टीबाट स्याङ्जा क्षेत्र नम्बर २ मा उम्मेदवार कर्नेल धनबहादुर थापाले आफ्नो उम्मेदवारी फिर्ता लिँदै नेपाली कांग्रेसका उम्मेदवार भागवतप्रकाश मल्ललाई समर्थन गरेको घोषणा गर्नुभएको छ।
उम्मेदवार थापाले अहिलेको निर्वाचन सामान्य नभएको भन्दै गम्भीर रूपमा लाग्नु आवश्यक रहेको बताउनुभयो। उहाँले भन्नुभयो कि आफू उम्मेदवार रहँदा देशलाई आवश्यक पर्ने पार्टीको मत टुक्रिने खतरा थियो, त्यसैले युवा नेता मल्ललाई सघाउने निर्णय गर्नुभएको हो।
थापाले वर्तमान चुनावले देशमा स्थिरता ल्याउनुपर्ने अवस्थामा रहेको भन्दै कांग्रेस मात्र देशको अवस्थालाई सुधार गर्न सक्षम रहेको दाबी गर्नुभयो। “देश विषम परिस्थितिमा छ। यसबाट पार लगाउन कांग्रेसको नेतृत्व अपरिहार्य छ, त्यसैले साथीहरूसँग सल्लाह गरेर समर्थन गर्ने निर्णय गरेका हौं,” उहाँले बताउनुभयो।
जय मातृभूमि पार्टीका संस्थापक लक्ष्मीकान्त पाण्डेले जानकारी दिनुभयो कि नेपाल, भारत तथा अन्य देशबाट सेवानिवृत्त आर्मी, प्रहरी र अन्यले मिलेर पार्टी स्थापना गरेको हो। थापाले सल्लाह गरेर मात्रै कांग्रेसका मल्ललाई समर्थन गर्ने निर्णय गरेको उहाँको भनाइ छ।
स्याङ्जा क्षेत्र नं. २ मा मात्र पाँच हजारभन्दा बढी जय मातृभूमि पार्टीका शुभेच्छुक रहेको थापाले जानकारी दिनुभयो। उहाँले सबैजनाले कांग्रेसका मल्ललाई समर्थन गर्दै रुख चिन्हमा मतदान गर्ने स्पष्ट पार्न आग्रह गर्नुभयो।
यस क्षेत्रमा प्रभाव राख्ने जनजाति उम्मेदवार थापाले नै कांग्रेसका मल्ललाई समर्थन गरेपछि कांग्रेसलाई सहज भएको स्याङ्जा क्षेत्र नं. २ का सभापति दिलिपप्रताप खाँणले जानकारी दिनुभयो। “थापाको समर्थनले हामीलाई अझ उत्साहित बनाएको छ,” उहाँले भन्नुभयो।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


