आईपिएम कृषक पाठशालाको लागी प्रारम्भिक भेला

भीरकोट :

भीरकोट नगरपालिका वडा नं. २ मा आईपिएम कृषक पाठशालाको लागी प्रारम्भिक भेला सम्पन्न भएको छ । भारथान लुवाडाँडा कृषक समूहमा सुन्तलाको आईपिएम कृषक पाठशाला कार्यक्रम सञ्चालन हुने भएको हो । राष्ट्रिय कृषि आधुनिकीकरण कार्यक्रम, कार्यक्रम कार्यान्वयन एकाइ सन्तला सुपरजोनका कार्यालय प्रमुख अजय अधिकारीको नेतृत्वमा आएको टोली सहभागि प्रारम्भिक भेलाले समिति गठन गरेको छ ।

पाठशालाका लागी सुन्तला सुपरजोनले प्राविधिक सहयोग गर्नेछ । भेलाले रविन खांणको अध्यक्षतामा ७ सदस्यीय समिति गठन गरेको छ । समितिको उपाध्यक्षमा कल्पना केसी, सचिवमा अस्मिता अधिकारी, कोषध्यक्षमा सागर खांण रहनुभएको छ भने सदस्यहरुमा प्रतिमा जैसी, प्रेमबहादुर खत्रि र उषा थापा रहनुभएको छ । भेलालाई सम्बोधन गर्दै वडा नं. का अध्यक्ष तथा नगरप्रवक्ता दिपेन्द्र केसीले कृषकहरुको सिप विकास तथा उत्पादित उपजको बजारीकरणका लागी नगरपालिकाले पनि सहयोग गर्ने बताउनुभयो ।

कृषि नै नगरको समृद्धिको आधार भएको भन्दै कृषकका मागहरु नगरले सम्बोधन गर्ने बताउनुभयो । कार्यक्रम वडा नं. २ कार्यबहाक अध्यक्ष खड्कबहादुर महतको अध्यक्ष्तामा सम्पन्न भएको थियो भने कार्यक्रममा अगुवा कृषक पदमबहादुर केसी, कृष्ण बहादुर अधिकारीलगायतले बोल्नुभएको थियो । सुन्तलाको आईपिएम कृषक पाठशाला अन्र्तगत १ वर्षको कार्यक्रम हुनेछ । कार्यक्रम माघ ३ गतेबाट शुरु हुँदैछ । पाठशालामा सुन्तलाको विजारोपण तथा विरुवा रोपण, यसका लागी चाहिने गोडमेल, मलपानी व्यवस्थापनलगायतका विषयहरु क्ृषकलाई सिकाईनेछ ।

Facebook Comments Box