‘१४२’ वर्षका व्यक्तिको मृत्यु, सन्तान १३४ जना

आफूलाई सबैभन्दा धेरै उमेरको मानिस दाबी गर्ने साउदी पुरुष नासिर बिन रदान अल राशिद अल वदाईको मृत्यु भएको छ।

गल्फ न्यूजका अनुसार जनवरी ८ मा राजधानी रियादमा उनको मृत्यु भएको हो । उनले आफूलाई १४२ वर्ष उमेरको भएको दाबी गरेका थिए।

धाहरान अल जनूबमा उनको अन्त्येष्टि प्रार्थना गरिएको थियो, जहाँ ७ हजार भन्दा धेरै मानिस उपस्थित भएका थिए । त्यसपछि उनको पैतृक गाउँ अल राशिदमा अन्त्येष्टि गरिएको समाचारमा उल्लेख छ।

परिवारिक श्रोतका अनुसार वदाईका छोराछोरी र नातिनातिना र तिनका समेत सन्तान गरी  १३४ जना सन्तान रहेको दावी गरिएको छ । उनले ७ श्रीमती बिहे गरेको बताइएको छ ।

साउदी मिडियाका अनुसार अल वदाईको जन्म सन् १८८४ मा भएको थियो । स्मरण रहोस् सोही वर्ष अमेरिकामा स्ट्याच्यू अफ लिबर्टीको निर्माण सुरु भएको थियो । त्यतिबेला साउदी अरेबियाको एकीकरण समेत भएको थिएन ।

उनको परिवारका अनुसार उनले देशका संस्थापक राजा अब्दुल अजीजदेखि वर्तमान राजा सलमानसम्मको समय देख्ने भोग्ने मौका पाए ।

अल वदाईको जीवनमा धेरै अनौठा घटनाहरू भए । उनले ११० वर्षको उमेरमा अन्तिम पटक विवाह गरे र कान्छी पत्नीबाट छोरी समेत जन्माए । उनी धार्मिक आस्थामा समर्पित थिए । जीवनभर गरी उनले ४० भन्दा बढी पटक हज यात्रा गरेका थिए ।

वास्तविक उमेरमाथि शंका

आफूलाई १४२ वर्षको दाबी गर्ने वदाईको वास्तविक उमेरबारे विशेषज्ञहरूले भने आशंका व्यक्त गर्ने गरेका छन् । ब्रिटिश सोसाइटी फर रिसर्च अन एजिंगका अध्यफ डेभिड वीनकोभका अनुसार कुनै व्यक्ति १४२ वर्षसम्म जीवित रहनु असम्भव हुन्छ ।

उनी भन्छन्- मानिस १०० वर्षको उमेरपछि हरेक थप वर्ष बाँच्नु भनेको गाई की त्रिशुल खेल्नुजस्तै हो । अर्थात् मानिसको कुनैपनि बेला मृत्यु हुने प्रबल सम्भावना हुन्छ । अझ १४२ वर्ष पुग्नु भनेको त ४० पटक लगातार सिक्का टस गर्दा हरेक पटक एउटै पाटो पल्टिनुजस्तो असम्भव कुरा हो।

स्मरण रहोस् गिनिज बुक अफ वर्ल्ड रेकर्डस् का अनुसार संसारमा हालसम्म सबैभन्दा बढी उमेरसम्म बाँच्ने व्यक्ति जीन कालमेट हुन् । उनी १२२ वर्षसम्म बाँचेकी थिइन्। एजेन्सी

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री

• 

  वडा कार्यालयमा युवाहरुले लगाए ताला,बजेट विनियोजनमा मनपरी भएको आरोप

• 

  प्राध्यापक गौतमको दु:खद निधन: शैक्षिक क्षेत्र स्तब्ध, सोमबार शोक बिदा

• 

  सहप्राध्यापक डा. प्रकाश तिवारीको ‘शब्दशास्त्रविज्ञानम्’ ग्रन्थ लोकार्पण

• 

  स्याङ्जामा बाढीले मोटरसाईकल सहित दुई जनालाई बगायो एक बेपत्ता एकको उद्धार ।

• 

  वालिङमा सुरु भयो ‘कृषि एम्बुलेन्स’ सेवा

बि.पी. विचार गोष्ठी एवम काव्य उत्सव- २०८३ सम्पन्न

१ महिना अगाडि

स्याङ्जा : युगीन विचार, अभिव्यक्ति तथा लेखकीय स्वतन्त्रताप्रति प्रतिबद्ध सिर्जनशील नेपाली स्रष्टाहरुको गौरवशाली साझा संस्थाको रूपमा स्थापित नेपाली लेखक संघ…

खेम सारुमगर र गोपाल जिटीलाई कञ्चन पत्रकरिता पुरस्कार

१ महिना अगाडि

वालिङमा टेलरको ठक्करबाट मोटरसाइकल चालकको मृत्यु

१ महिना अगाडि

स्याङ्जामा ३४४ एचआईभी संक्रमित, वालिङ सबैभन्दा धेरै

२ महिना अगाडि